Page 12 - BNDIA ARUBA

a12 riba caya
Diamars 17 Juli 2018

Auto a dal den palo di luz; un dama a keda herida

ORANJESTAD - Diadomingo mainta riba J.E Iraus-
quin Blvd, un auto a dal den palo di luz.

Polis cu a yega na e sitio a topa cu un Nissan pega riba e palo
di luz. Un dama a resulta levemente herida y ambulance a
presenta a e sitio unda paramedico a brinda asistencia medico
na e victima. El a keda transporta pa hospital. Daño material
na e auto tabata considerabel.

Homber burachi sin seguro di auto a dal den baranca

GASPARITO - Diadomingo atardi patruya di Noord a
bay na Gasparito pa un auto cu a dal den baranca y e
chauffeur a cuminsa na kita e plachinan di number pa
bandona e sitio.

E patruya a yega basta lihe y topa cu e Tercel. E homber tabata
burachi y a cuminsa bringa cu polis. E homber a keda manda
vloer pa asina detene y boei e. E auto mes no tabata tin ningun
seguro y asina e homber tabata core cu e auto riba bou y pio
bou influencia di alcohol. Dog catcher a presenta y bay cu e
detenido warda.