Page 29 - AAA 7 OCT 2015

AHATA ta mas cu dispuesto pa duna un man pa yuda resolve situacionnan cu por trece
nos aeropuerto na peliger
Tuesday, 06 October 2015 21:27

Comparti

Tabata tin un situacion cu a presenta durante fin di siman, caminda cu aeropuerto a wordo cera diasabra
anochi y diadomingo mainta. Den punto di bista di AHATA, CEO James Hepple a comenta cu
basicamente loke a pasa te asina leu cu nan por a compronde for di e minister y aeropuerto, e situacion a
lanta durante siman pasa, caminda cu segun Hepple, e controladonan di trafico aereo,
cu solamente nan por comunica solamente na Ingles, cual ta e standardnan internacional.
Afortunadamente un cantidad di avionnan cu ta bin for di Venezuela, no ta papia bon Ingles y tabata tin
algun incidente, caminda cu tabata tin confusion. Loke a pasa diasabra cu e controladonan no por sigui
traha, si esey lo bay pone e siguridad di aeropuerto na peliger. P’esey e accion a tuma lugar. Segun Hepple
por a compronde, esey a continua diadomingo mainta, caminda cu AHATA wordo consulta, cu algo
urgente mester pasa pa resolve e situacion.
Minister di Turismo y Transporte a intermedia cu e controladonan di trafico aereo y segun Hepple esaki
supuestamente mester a keda soluciona, caminda cu e transicion di Ingles lo sosode otro aña. E
controladonan mester sigui un curso, caminda cu nan mester conoce e palabranan tecnico na Spaño, cu ta
wordo aplica pa e piloto y e controladonan. Esaki a termina satisfactoriamente, caminda AHATA a keda
contento.
Sinembargo tin mas cos a tuma lugar, pa loke ta e condicionnan di trabao, cu tambe mester keda resolvi,
segun Hepple. E ta sigui splica cu aeropuerto ta e comienso y final di e biahe y claramente e unico manera
cu hende por yega y sali for di Aruba ta depende di un aeropuerto cu ta funciona. Ora cu AHATA a wordo
acerca pa yuda asisti y resolve e situacion, nan tabata contento di participa, pasobra ta critico pa e
aeropuerto funciona na su debido manera. Consecuentemente ora a wordo pidi pa participa den e accion
legal, AHATA cu gusto a hacie, pasobra ta vital pa e industria turistico funciona 100%.
Por a mira kico a pasa ora cu e ekipo meteorologico a faya na Augustus y mester a reubica bishitantenan
cu no por a sali, y avionnan no por a baha. Ta vital cu e aeropuerto por funciona 100% di capacidad.
Hepple ta pensa cu un di e areanan di preocupacion no ta solamente ta e controladonan di trafico aereo,
pero tambe e parti di inmigracion, ora di procesa tur e bishitantenan Venezolano, caminda cu tin cu revisa
e cantidad di placa cu ta bin cun’e, unda nan ta keda tin cu wordo revisa, ta tarda e proceso di entrada cu
ta causa keho for di hotel pa taxi y companianan di turismo.
E huespednan ta rabia cu nan tin cu para pa oranan largo y ta daña e experiencia di un dushi yegada. Na
hotelnan tin turistanan ta rabia y claramente algo mester wordo haci pa adresa esaki.
Depende di circunstancianan por bin cu un plan B. Cu fayo di ekipo, ta spera pa tin ekiponan di spare.
Tambe mester tin staff cualifica y si circumstancianan no ta duna pa staff cualifica bin aki por ehempel for
di Corsou. Pero pa loke ta e situacion di inmigracion y e bishitantenan di Venezuela, no ta sigur si por tin
un plan B pa esaki, pero cu e tin cu wordo soluciona, e mester sosode mas pronto posibel, segun Hepple.