Page 4 - DIGICEL 20 JULY 2015

PAGINA 16 DIARIO DIALUNA 20 JULI 2015

Por haya 5 aña di

prison tambe
Importacion ilegal di
cigaria por resulta
den multa di 25 mil

Florin

ORANJESTAD(AAN): Segun
Hefe di Douane, Ricky Croes,
e departamento ta na altura di
cierto contrabandanan cu ta tu-
mando luga, principalmente pa
loke ta cigaria. Esaki ta haci
cu cigaria di diferente marca ta
worde bendi den forma ilegal na
Aruba.

Croes a bisa cu tur hende ta
consciente cu na e momentonan
aki tin masha hopi problema na
Venezuela, unda e economia no
ta draai manera debe ser, cu un
escasez di diferente producto
basico pa e pueblo. Door cu nan
ta produci cigaria y e ta accesi-
bel na un prijs hopi barata, Ven-
ezolanonan ta yega Aruba, via
boto of aeropuerto, cu cigaria cu
nan ta trata di bende localmente.
E placa nan ta uza pa cumpra
materialnan cu nan no ta haya
na Venezuela y bay cu esakinan
back pa nan pais. “Esey ta un
di e cosnan cu nos ta trahando
duro riba dje Nos ta trata di fre-
na e transporte di cigaria ilegal,
ya cu e ta causa cu Gobierno ta
hayando menos entrada na acci-
jns den su caha.”
Den ultimo simannan, miembro-
nan di Douane a logra haci dos
confiscacion grandi, di cual uno
tabata na aeropuerto y otro na
waf di Barcadera. Den e caso di
aeropuerto, a confisca 89 carton
di cigaria cu e ciudadano Ven-
ezolano tabatin den su maleta,
mientras cu esun na waf tabata
72 caha cu a worde confisca.
Despues di traha procesverbaal
ta yama Fiscal, cu ta esun cu ta
impone e boet cu mester worde
paga. Normalmente, e ta splica,
cada persona cu drenta Aruba
tin derecho di trece un carton
di cigaria y si e ta mas, mester
paga accijns riba dje. Den caso
asina, manera esun di aeropuer-
to, ta haya 8 persona cu tabatin
89 carton den nan poder. Den
e caso ey a impone un boet di
9900 Florin. Esnan cu no paga e
multa, ta bay cera. E maximo ta
25 mil Florin of 5 aña cera.
E fabricante di mayoria cigaria,
Phillips Morris, a drenta den
contacto cu Cuerpo di Douane
pa expresa nan preocupacion
pa e importacion ilegal di nan
cigarianan. Nan kier bini cu un
campaña pa conscientisa hen-
denan cu haciendo contrabanda
di cigaria tin un castigo pisa ta
colga riba cabes, cual ta encera
multa di 25 mil Florin of 5 aña
tras di trali. E campaña aki ta
den preparacion door di Phillips
Morris y ta spera cu pa otro luna
lo por cuminsa cune.