Page 2 - Utilities Jan 23 2015

http://masnoticia.com/segun-rene-herde-nos-meta-tabata-y-ta-pa-mehora-forsa-di-compra-di-pueblo/

Segun Rene Herde: Nos meta tabata y ta pa mehora forsa di
compra di pueblo

 Jan 23rd, 2015
 Politica

“E reduccion di prijs di awa y coriente na 2012 a nifica otro ayudo grandi pa e forsa di compra di pueblo. Pasobra pa
tur cas di famia y pa tur empresa, e costo di awa y coriente ta un costo fiho y grandi den na presupuesto. Aunke e
prijs di awa y coriente na Aruba ta mas abou cu majoria di pais den nos region, nos kier sigui baha e prijs y tene e
costo abou y fiho, pa sigui yuda e forsa di compra di henter pueblo.” Esey tabata e splicacion di e punto di bista di e
fraccion y partido AVP riba e tema cu a trata den parlamento awe.
URGENCIA
Pa fraccion di AVP e reunion pa trata e pregunta dicon e prijs di petrolio ta baha riba mercado internacional, pero e
prijs di awa y coriente ta sigui mescos, tabata hopi importante y urgente. Rene Herde ta sigui splica: “Awa y
coriente ta e dos cosnan cu tur famia kier paga mes ora na fin di luna, pasobra nan kier sigura cu nan keda cu e
servicio di awa y coriente. Pero, apesar di cu e prijs di awa y coriente a baha dos aña pasa y cu e “brandstofclausule”
no tey mas, y aunke e prijs di awa y coriente na Aruba ta mas abou cu pasinan den Caribe, nos no kier perde niun
oportunidad di sigui baha e prijs si e posibilidad ey tey. Awor cu e prijs di petrolio na mundo ta baha, esey ta crea un
bon oportunidad pa bolbe baha e prijs. Mescos cu dos aña pasa. Mescos cu e prijs di gasolin pa auto a baha cu casi
30 cen pa liter siman pasa. E ta yuda e forsa di compra di tur hende directamente.”
ENVESTIGACION
Den e reunion publico di diahuebs mainta cu e minister di asuntonan economico y di energia, ingeniero Mike de
Meza, a constata cu gobierno ya a laga haci un envestigacion di e echonan cu a conduci na e situacion cu WEB no
por baha e prijs di awa y coriente, apesa di cu e prijs di crudo a baha enormemente. Pa e motibo aki mester a