Page 63 - MIN.SJA MAY 27

Ta spera cu Gobierno tambe tuma medida den su mesun cas

Publication: Wednesday, 27 May 2015. Categoria: General
Segun Camara di Comercio encuanto Protocol di 2 Mei

ORANJESTAD (AAN): Recientemente gobierno di Aruba y di Hulanda a yega na un protocol
riba maneho financiero.
Segun Leo Maduro di Camara di Comercio, despues cu a tende comentario di varios banda,
Camara di Comercio y Industria (KvK) ta duna su punto di bista riba algun aspecto di e acuerdo
aki.
E motibo pa emiti un opinion awor ta cu e acuerdo no ta un asunto momentaneo, sino cu e lo tin
consecuencia inmediato y a largo plazo pa e forma di goberna nos pais.
E acuerdo aki ta trece definitivamente un supervision independiente riba e maneho financiero di
gobernacion di Aruba. KvK ta di acuerdo, mirando e rumbo cu finanzas publico a tuma.
Na varios ocasion KvK a adverti pa e situacion peligroso cu gobierno su finanzas ta aden. Cu e
supervision aki ta yega atraves di un ley di Aruba mes, y no den forma di un medida di gobierno
di Reino, ta bon noticia.
Un medida di Reino a causa hopi mas turbulencia den comunidad pa finalmente yega na mesun
punto, unda awor a base di cooperacion lo yega na un structura nobo di supervision. Un promer
paso pa pone Aruba ‘back on track’, incluso acceso na prestamo internacional.
Incertidumbre pa comunidad y economia no a kita! E acuerdo firma ta bisa claramente cu e
recomendacionnan, haci pa CFT na december 2014, mester keda “traduci den medida substancia
debidamente, cu por ser implementa na tempo den e aña coriente”. E medidanan referi no ta
aparece den e presupuesto aproba pa Parlamento, aunke a introduci via un amienda e medida
extra di aumento di BAZV cu 1% (y reduccion di prima di AZV cu 1%).