Page 13 - awem

AWEMainta Diahuebs, 22 Oktober 2015 13

Miembronan di Parlamento a reuni cu ATA y Minister di Turismo

Interes grandi pa maneho di ATA
di parti comision fiho di turismo
di Parlamento di Aruba

DIARANSON atardi miembronan di Parlamento

di Aruba a reuni cu entidad encarga cu turismo riba
nos isla, ATA y tambe cu Minister Otmar Oduber. Un
reunion cu a bay hopi bon yena cu informacion unda e
miembronan di Parlamento a demostra hopi interes pa
entre otro e Business Plan di ATA di locual ta tumando
luga pa tanto 2015 y pa locual por spera pa 2016.
E mandatario a keda sumamente satisfecho cu e
reunion unda varios pregunta valido a tuma luga,
tanto di esunnan cu ta sostene Gobierno pero tambe
di e miembronan den e fraccion di oposicion.

Sr. Oduber ta bisa: “Mi ta hopi satisfecho cu e
reunion a duna oportunidad pa aclaria varios punto
di incertidumbre cu por tabatin. Mi ta kere cu e
perspectiva cu tin pa otro aña ta hopi positivo cual a
keda presenta na miembronan di Parlamento.”
Minister Oduber ta sigui comenta cu por mira
claramente e entusiasmo cu ATA a desaroya su mes
di un departamento cu 4 aña pasa ainda tabata costa
Gobierno placa, fuera di room tax, Gobierno mester
a hinca 25 pa 30 miyon florin den oficina di turismo,
y awe e reunion a conclui cu desde aña pasa ATA ta
debolbe awor.

E mandatario ta sigui splica: “Fuera cu e no ta costa
pais Aruba mas e 25 pa 30 miyon florin, awe e ta
debolbe Gobierno un suma di 10 miyon florin cu ta
e net result cu nan ta keda cu ne, despues di a paga y
hasta aumenta nan plan di mercadeo.
Manera ley ta prescribi nan tin un fondo tambe di
18 miyon como reserva pa na momento cu tin un
calamidad, un momento cu por presenta cu ta pidi
p’esaki cu e ora ey e placa ta disponibel.”

Miembronan di Parlamento a aplaudi e maneho di
ATA y a keda sumamente satisfecho cu e presentacion.