Page 43 - Djaweps 28 yuni 2018.pdf
P. 43
Djaweps 28 Yüni 2018 45
Profesor Jean Dugé di Haiti
ku charla interesante
WILLEMSTAD.- E Dugé. Sr Dugé ta na di Enstiti Kreyòl pale,
profesor haitiano Jean Kòrsou riba invitashon Kreyòlkonprann pa duna
un charla públiko i fasilitá
formashon di agentenan
di alfabetisashon den
komunidat haitiano lokal.
Sr Dugé ta investigadó,
eksperto di kreyòl haitiano,
profesor di komunikashon
franses den enseñansa
akadémiko i literatura na
skol sekundario, ademas
di ta músiko, i outor den
aria di literatura, kultura i
historia.
Profesor Dugé lo papia
tokante Importansia di
idiomanan materno den
un charla públiko na Kas
di Kultura, djabièrnè dia
29 di yüni di 7’or pa 9’or di
anochi. Entrada ta grátis i
tur hende ta bon biní.
Dianan 26 pa 28 di
yüni sr Dugé lo forma
agentenan di alfabetisashon
den komunidat haitiano.
Personanan interesá por
tuma kontakto ainda ku sra.
Myriam Lavache na 682-
0850 despues di 3’or pm.
Jean Armoce Dugé a nase
dia 30 ougùstùs 1964. E ta
formá tantu na universidat
haitiano komo na Fransia.
E ta un poeta i dosente
i formador, i a partisipá
huntu ku 20 profeshonal ku
gobièrnu haitiano a forma
durante 5 pa 6 aña den
rango di alfabetisashon.
Ademas, el a traha durante
10 aña (1955-2005) komo
responsabel di formashon
na departamento di sur di
Haiti pa gobièrnu di Haiti.
E ta dosente di didáktika
i komunikashon kreyòl.
spesialista di edukashon
di adulto, krítiko na
universidat, e ta traha i
publiká artíkulonan di
krítika tokante obranan di
Paul Claudel (un diploma
i eskritor franses di siglo
20), Lyonel Trouillot
(finalista Prix Goncourt
2011, Prix du salon du livre
de Genève, 2012) i tambe
Joël Desrosiers (Grand prix
de Monréal, 1999 ;pri MLA,
Etazini, 2014).
Jean Armoce Dugé a
traha tambe komo traduktor
(franses–kreyòl, kreyòl-
franses) pa diferente
institushon na Haiti i tambe
for di pais.
Organisashon i
instansianan ku a kolaborá
ku e bishita i aktividatnan
ta inkluí: Konsulado di
Haiti, UPH (Union Patriótiko
Haitiano), Sunrise Airways,
Emmanuel Vedrine di Creole
Edition, Kas di Kultura,
NAAM i Inelus Manasse.

