Page 109 - MIN VOS 22 FEB 2016

Team cu a forma parti di Accion Yuda Lunah ta gradici

Publication: Saturday, 20 February 2016. Categoria: General

ORANJESTAD (AAN): Riba diadomingo 7 di februari 2016 Team Lunah a organiza un collecta ariba ruta di parada
grandi.
E team di voluntarionan tabata presente ariba henter e ruta di carnaval grandi na playa di oranan di mainta te atardi
pa asina logra colecta mas tanto cu ta posibel pa por yuda Lunah yega na e fondonan necesario pa e por bay afo pa
e operashon na su stoma.
Team Lunah a consisti di 16 voluntario uniforma cu T-shirts di Lunah y badges, cu a sali ariba e ruta di parada cu
nan collecte busjes y flyers. Team Lunah ta sumamente contento di por bisa cu e apoyo riba e dia aki tabata masal.
Un danki di curason na un y tur cu a duna nan aporte pa cu e causa aki, ariba e dia aki y tambe den e dianan prome
y despues. Sin cada un di bosonan no lo twt posibel logra e suma total di Afl 21.345,60. Danki Aruba henter pa
mustra cu union, di berdad ta haci forza.
Mientrastanto Lunah a logra bay Colombia pa su operacion cu ayudo di AZV. Nos ta masha contento y agradecido pa
esaki. Sinembargo nos kier enfatisa si cu e suma ricibi no tabata envano, pa motibo cu Lunah tin un buraco na su
curazon cu lo mester worde trata na su debido tempo y na e momento ey lo mester di fondonan pa cubri esaki.
Por ultimo Team Lunah kier bisa danki na esnan responsabel pa nos t-shirts. Tambe un danki ta bay na Rode Kruis
Aruba pa e collecte busjes nan y sigur tambe na nos Cuerpo Policial pa e ayudo cu e vergunning ariba asina corto
plaso. Un danki special ta bay na tur voluntario riba e dia di e accion aki, boso aporte y esfuerzo tabata tremendo.
Masha danki pa nos Facebook page, designs y tur printing di posters y flyers. Team Lunah no por keda sin duna un
danki tambe Na Fundashon Basilio Kelly, sin boso sosten y guia tur esaki lo no tabata posibel.

http://www.diario.aw/2016/02/team-cu-a-forma-parti-di-accion-yuda-lunah-ta-gradici/