Page 2 - MC Donald 30th Anniversary Clippings

McDonald’s ta celebra 30 aña na Aruba

Monday, 13 April 2015 08:31

Comparti

Arcos Dorados, e frankicia di McDonald’s mas grandi na mundo, cu ta opera den Latino America y den
Caribe, a anuncia un grandioso celebracion pa e 30 aniversario di McDonald’s na Aruba.

Lo enfoca riba e presencia di Ronald McDonald’s y lo core rond Aruba, di punta pa punta, riba Diahuebs
16 di April, bishitando tur restaurant di McDonald’s situa na Sero Blanco, Sta Cruz y Palm Beach. Tur
mucha por pinta nan cara mientras e mayornan lo celebra cu un pida bolo.
E Ronald McDonald’s Tour Aruba ta inclui un bishita na McDonald’s Sta Cruz entre 12pm pa 1pm,
mientras lo canta “Happy Birthday” cu bolo rond di 12.45pm. E tour lo continua pa McDonald’s Palm
Beach pa 1.30pm - 2.30pm mientras cu eynan corta bolo pa 2:00pm. E tour ta termina na McDonald’s
Sero Blanco pa 3pm y 5.30pm mientras cu e cantamento di Happy Birthday lo sosode pa 4:45pm.
"Nos ta hopi orguyoso di celebra 30 aña di servicio pa cu e comunidad local y e famia grandi di Aruba. E
gran logro aki nos ta comparti hunto cu e famia di Arcos Dorados y McDonald’s, incluyendo e comunidad
cu semper a sa di apoya nos pa por ta awe e restaurant di cuminda rapido faborito di tur famia na Aruba”,
asina Fabian Lantinga, Operation Supervisor di Arcos Dorados Aruba a comenta.
E prome restaurant di McDonald’s na Aruba a habri su portanan dia 4 di april 1974 y tabata situa na
Playa. Actualmente, tin tres restaurant di McDonald’s riba nos isla, situa den area di hotelnan High Rise
na Palm Beach, otro na Santa Cruz y e ultimo na Sero Blanco y ta conta tambe cu un McDonalds Dessert
Center na Paseo Herencia.
Pa mas informacion di McDonald’s na Aruba por bishita www.mcdonaldsdwi.com of “like” nan pagina di
Facebook di McDonald Aruba. Pa obtene mas informacion di Arcos Dorados bishita
www.arcosdorados.com .
Arco Dorado ta e frankicia mas grandi na mundo di McDonald’s den termino di benta den tur sistema y
den cifranan local. E compania ta e cadena di restaurant di servicio rapido (Fastfood) mas grandi den
Latino America y den Caribe. E ta posee e derecho exclusivo di opera y otorga frankicianan di McDonald’s
local den 20 pais y teritorio de Latino America y Caribe, incluyendo Argentina, Aruba, Brasil, Chile,
Colombia, Costa Rica, Corsou, Ecuador, Guyana Frances, Guadalupe, Martinica, Mexico, Panama, Peru,
Puerto Rico, St. Croix, St. Thomas, Trinidad y Tobago, Uruguay y Venezuela.
E compania ta opera y frankicia un total di 2.121 restaurant di McDonald’s cu mas di 95.000 empleado cu
ta atende cerca di 4,3 miyon di cliente diariamente.