Page 2 - FUNDASHON LOTTO PA DEPORTE

Diahuebs, 3 Mei 2018 AWEMainta 23

Centro di Bario Brazil ta organisa un biaha

mas un curso di CPR y Choking

DIAHUEBS dia 3 di mei Centro di Bario Brazil ta
organisa un biaha mas un curso di CPR y Choking
/Prome auxilio. E orario ta di 7:00 pm pa 10:00
pm.
E curso ta enfoca con pa yuda specialmente mucha
cu CPR y tambe den caso cu si e mucha pega cu
algo etc. esta “Choking”. Pero tambe den e curso
ta siña con pa trata cu hende grandi tambe.

Biaha pasa e curso tabata un exito pa loke tabata
e asistencia y e nivel di e curso, cu ta uno hopi
interesante y serio. Esaki tabata notabel den e
participantenan cu a practica durante di henter
e curso. Nan tabata haya varios ripiticion con pa
duna CPR for di baby te cu hende grandi. Tambe
con pa trata un persona cu Choke (pega cu algo
den garganta).
Cursistanan ta bay haya diferente informacion y
practica di CPR y Choking.
Na final di e curso cursistanan tin cu haci nan test
pa asina por haya nan certificado.
Pa e biaha aki inscripcion ta limita y ta costa Awg,
20.00. Pa mas informacion por yama tel 5846500.

Loke a resalta ora cu a publica di e curso di CPR
& CHOKING den Centro di Bario Brazil ta, e
interes enorme den nos comunidad pa cursonan
asina.

Un danki ta bay na e team di profesional cu a
duna e curso specialmente na sra. Olga Tromp, un
nurse di Hospital di mas cu 40 aña di experencia
y sr. John Tromp IMSAN, cu a encabesa e curso
hunto cu e profesionalnan den ramo aki cu ta
Azriah Palm, Melvin Tromp, Joshmar Hoek,
Carlos Peterson, Leon Hooker, Lucretia y Gino.
Aruba ta conta cu 65 persona mas cu a ricibi nan
certificado. Fundacion Dominicana Arubanse Juan

Pablo Duarte cu tres curso nobo!

FUNDACION Dominicana Arubanse Juan Pablo Duarte, lo
bini cu tres curso cu lo cuminsa den luna di mei. E cursonan lo
ta Papiamento Basico. Ingles Principiante y Tambe un curso di
Comunicacion y Liderazgo.

Tur e cursonan lo ser duna pa maestranan cu ta duna les caba na
Aruba. Ta haci un cordial invitacion na comunidad pa inscribi na e
cursonan aki diasabra awor dia 5 di mei. Por pasa na e oficina di e
Fundacion aki pa inscribi entre 5-9 pm. Lo tin un costo rasonabel
pa cada curso. Tur hende ta bon bini pa por participa, no ta importa
nacionalidad. E cursonan lo ta bay ta un biaha pa siman.

Pa mas informacion por yama Tel 5825890 of 5921679 of Whatsapp.
E adres ta Van Leeuwenenhoekstraat # 2, tras di (antes) Botica
Oduber na Caya Betico Croes. Den Nomber di Directiva, Winston
Tavarez.