Page 26 - FUNDASHON LOTTO PA DEPORTE
P. 26
Recienemente un delegacion consisti di atletanan elite den e deporte di BMX a biaha pa
un competencia valido pa e federacion mundial di ciclismo, UCI yama “Copa Naciones
Centroamericano 2018 Clase C1”na Costa Rica.
E delegacion di Aruba a consisti di men Elite Feddison Flanders y Jaymer Carolina
mientras den woman Elite nos a haya Shanayah Howell, tur tres atleta tabata bou guia di
e coach nacional di BMX, Pedro Estaba. Mester bisa aserca cu e hoben Davey Croes
tambe a competi den e categoria Hubenil.
E careda riba su mes a bay den tremendo forma pa e delegacion di Aruba cu a sa na logra
un bon resultado den e Copa Naciones Centroamericano 2018 aki. E atleta elite Shanayah
Howell a demostra di ta bak den su forma di antes unda e ta logra un 1 lugar den e
categoria Elite femenino, mientras den elite masculino Feddison Flanders ta keda na di 8
lugar den e final. E hoben Jaymer Carolina ta yega cu e eliminacion round elite
masculino mientras den 17-24 Challenger – un di 2 lugar a bay pa e hoben Davey Croes.
Mester bisa cu mirando e bataya di nos atletanan di Aruba duna na Costa Rica, nan a
gana punto pa loke ta e Ranking di UCI. E deporte di BMX lo tin dos participante den e
Weganan Odesur 2018 di Cochabamba, Bolivia fin di e luna aki.
