Page 39 - FUNDASHON LOTTO PA DEPORTE
P. 39
Pa e dos atletanan selecciona Dyantha Erasmus y Sarah Oduber esaki sigur lo bira un
competencia cu hamas nan lo por lubida mirando cu nan ta e prome dos atletanan cu a
haya e oportunidad di representa nan pais den un magno evento di gimnasia ritmico den
exterior. Ambos atleta lo competi den e asina yama “Rhythmic Gymnastics Junior Pan
American Championship 2018” y alabes lo fungi tambe como un evento Pre Olympic
Clasificacion Games.
Pa mas cu dos anja, e atletanan Dyantha Erasmus y Sarah Oduber ta entrenando duro cu
hopi disciplina y dedicacion bou guia di headcoach Adriana Sevilla. Mirando nan bon
preparacion, e oportunidad a presenta pa demostra e miho di nan mes den un competencia
di halto nivel mei mei di atletanan prospecto di henter e continente America. No tin duda
cu ambos atleta cu hopi entusiasmo sa na representa Aruba dignamente. Hopi exito na e
atletanan Dyantha Erasmus, Sarah Oduber y coach Adriana Sevilla.
Stichting Sportsubsidie Aruba a subsidia e delegacion di gimnasia ritmico pa e
“Rhythmic Gymnastics Junior Pan American Championship 2018” na
Medellin,Colombia
Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes
momento inverti den deporte local pa medio di donacionnan na e Stichting Sportsubsidie
Aruba.
