Page 5 - AWM 7APRIL2017

AWEMainta Diabierna, 7 April 2017 5

Minister di Husticia, mr. drs. Arthur Dowers

Aruba preparando pa competi den competencia deportivo di Reino

MINISTER di Husticia, mr. drs. Arthur Dowers a tene
un encuentro cu e coachnan, Ron Martis y e hobennan
na Centro di Bario Dakota pa dialoga riba e preparacion
pa e competencia deportivo di Reino. Minister Dowers
tabata contento di a mira un participacion grandi entre
e hobennan pa cu e proyecto aki cu ta bou guia di e
coach principal Alexis Sierra y Lionel Kaarsbaan como
assistent, Zoraida Tromp como leidster di e grupo y
Ron Martis, kende lo atende cu e parti social. E team di
Aruba a competi contra Corsou y Hulanda den 3 dife-
rente evento deportivo y team Aruba a bira campeon.

“Nos a cuminsa e programa aki 3 aña pasa y e programa
aki ta un programa caminda cu nos ta bay duna boso
nan e oportunidad di participa den deporte. E programa
yama Bo futuro ta den Bo man”, Minister Dowers a
remarca.
E intencion ta pa haya hobennan participa den deporte
pa asina e hoben por stimula esunnan cu ta participa
hunto, pero tambe pa nan por siña mas cos cu no ta
solamente deporte.

Un di e cosnan cu lo siña den e programa entre otro ta
con pa anda cu otro.
“Kiermen ora bo yega un caminda y topa hende, bo ta
bisa bon tardi y dun’e un man. Hopi bes den deporte
ta mira cu tin e parti di agresividad den dje, pero nos
kier siña banda di deporte tambe con pa comporta bo
mes nechi”, asina Minister a remarca.
Tambe nan kier siña e hobennan con pa haya skills cu
nan por uza den nan bida. P’esey Ministerio di Husticia
ta haya e programa importante.

Ministerio di Husticia di Aruba ta paga un parti di e
programa, pero tambe Ministerio di Husticia di Hu-
landa ta paga un parti di e programa cu e hobennan ta
participa den dje. Aña pasa a tuma e prome encuentro
di deportivo di Koninkrijkstoernooi di e proyecto “Bo
Futuro ta den bo Man” aki na Aruba.
“E tempo ey mi a topa un par di mucha y nan a bisa mi
cu eigenlijk e no mester ta na Aruba pasobra nan kier
a bay biaha. E aña aki si boso comporta boso mes bon
e ora ey boso por biaha”, Minister Dowers a indica. E
aña aki e encuentro lo tuma luga na Corsou.
Pe hoben por biaha y representa Aruba na Corsou, e
hobennan mester keda den e programa te na final, zorg
pa tur cos bay bon, presentacion den deporte y tambe
comportacion bay nechi.
Asina ey e hobennan por haya e oportunidad di biaha
pa Corsou pa participa den e torneo.
E gastonan lo wordo paga Ministerionan di Husticia. E
idea ta pa hobennan siña y pa nan crece y bira mas miho.
“E idea ta pa boso ta bon guy, bon amigo, sostene otro,
yuda otro y bira miho den deporte pero tambe den
comportacion. Ora un hoben tin bon comportacion, bo
ta stimula otro hopi bon. Bo ta bay stimula otro hende
rond di bo pa nan haci cosnan bon pa nan no bay den
caminda robes”, asina Minister di Husticia a remarca.