Page 25 - AWEM 29-Apr-2015

AWEMainta Diaranson, 29 April 2015 25

TE ainda no ta conoci, origen di e candela cu a destrui sigur dos negoshi,

causa daño na un di nan den Caya Betico Croes.
Tin varios version, y nos por a tende e.o. cu algun dia prome cu e candela,
N.V. Elmar hasta lo a traha un raport contra di un di e negoshinan cu a
kima complete. N.V. Elmar a constata cu lo tin un situacion cu por causa
candela, si e doño no tuma accion di inmediato.
Nos a busca version di N.V. Elmar, pero sin resultado.

Riba e pregunta, si e negoshinan aki, y tur esnan afecta pa awa y huma, si
nan ta sigura, ta mustra cu tur tabata segura.
Con bon segura, no ta conoci, pasobra p.e. te awe tin un caso, esta di e
candela grandi cu a destrui Antraco algun aña tras, te awe e compania di
seguro no a cumpli pa cubri e negoshi pa loke e tabata segura, alegando
cu Antraco tabata “onder verzekerd”. Y esaki keto bay ta na discusion y no
ta exclui cu e lo por bira un caso masha interesante mes.

Pa loke t’e actividad pa combati e candela, Cuerpo di Bombero a bisa di a
haya e yamada rond di 9:30am y mesora a activa unidadnan y a despacha
nan p’e candela den Caya Betico Croes.
Na un principio a manda 2 unidad n’e sitio, pero
mesora e Bomberonan n’e sitio a solicita pa un di
3 unidad, locual a yega mesora su tras.
Na tur ta papia di un total di mas o menos 20 Bomb-
ero n’e sitio combatiendo e candela cu pa 11:00am
tabata domina.

E candela tabata mayor parti n’e di dos piso, pa cual a bira
dificil pa combati. Bomberonan a keda te rond di 2:30pm
n’e sitio pa por a caba di combati e candela aki, debi cu e dak a
cay aden, haciendo dificil pa por a yega na origen di e candela.
No tabata necesario pa haci uzo di e sistema di awa den Caya
Betico Croes, pasobra Bomberonan mes tabatin suficiente
ekipo y awa pa combati e candela. Ainda
no ta conoci kico a ocasiona e candela.

Cuerpo di Bombero ta gradici ImSan
(Servicio di Ambulance), Cuerpo
Policial, Cruz Cora, Burger King, WEB y
NV Elmar pa nan cooperacion den e esfuerso pa
combati e candela y preveni expansion.