Page 5 - zenitel update

Motorola USA ta scoge Aruba pa nan “CEO Circle Meeting”

Sunday, 12 April 2015 18:20
Comparti

Zenitel Aruba, como distribuidor autorisa di Motorola pa Aruba y Caribe, ta contento di por anuncia cu
Motorola Solutions USA a scoge Aruba como destinacion pa nan reunion importante di “CEO Circle
Meeting”.
E conferencia ta tuma luga entre dia 12 y 15 di april den The Ritz-Carlton Aruba. Esaki ta un celebracion
y reunion strategico di e “Top 100” entre tur e empleadonan di benta di Motorola na Merca.
Cu e decision pa organisa e reunionnan aki na Aruba, ta un confirmacion mas cu ta reconoce nos isla
como un centro internacional pa negoshi. E ta ademas un honor grandi pa Zenitel Aruba cu a wordo
scogi pa facilita e encuentro.
Greg Brown, C.E.O. di Motorola Solutions U.S.A y Mike de Vente, kende ta Vice Presidente y General
Manager di Latin America Motorola Solutions lo ta entre e huespednan VIP atendiendo e evento aki.
Zenitel Aruba pa e ultimo simannan ta den proceso di instalacion di e sistema di mas nobo riba tereno di
radionan digital pa comunicacion na The Ritz-Carlton. E instalacion y servicionan ta fungi como un
showcase pa e sistema aki durante y despues di e “CEO Circle Meeting”.
E sistema aki, esta “Digital Radio System MotoTrbo”, ta inclui e radionan di mas nobo riba mercado, cu
ta provee e comunicacion di mas cla y ta sostene comunicacion di data pa medio di programanan uza den
hotelnan, manera e programa “HotSOS”.
“Nos a start cu nos operacionnan na Aruba mas di 40 aña pasa caba. Nos ta bon conoci pa, separa di
bende e solucionnan di comunicacion di mas moderno y eficiente di e marca Motorola, pero tambe pa
nos conocemento den drecha y mantene e ekiponan trahando na un nivel masha profesional”, asina Bert
Schreuders, Gerente General di Zenitel Caribbean a duna di conoce.
E compania Zenitel mes ta estableci desde 1901 y ta un lider mundial den comunicacion integral pa e
sector comercial, unda comunicacion lihe, confiabel y sigur ta esencial. Zenitel Caribbean ta parti di
Zenitel Worldwide Group y ta conta cu operacionnan na Aruba, Boneiro, Corsou, St. Maarten, St Martin,
Anguilla, Sint Eustatius y Saba.
Desde aña 2005, Zenitel ta opera e red di TETRA yama “Chuchubi” riba e islanan ariba menciona cu un
lista amplio di clientenan den servicionan di emergencia, refineria, companianan di siguridad, prizon,
aeropuerto, waf, husticia, car rental, hotel, Warda Costa, Cuerpo Militar y mas. Na Aruba so nan ta conta
cu mas di 800 usuario di e servicio di comunicacion di radionan TETRA.

http://www.24ora.com/local-mainmenu-5/93981-motorola-usa-ta-scoge-aruba-pa-nan-ceo-circle-
meeting-