Page 6 - Aruba Bank Jan 5 & 6,2015

Aruba Bank a crece hunto cu nos isla durante 90 aña largo

Sunday, 04 January 2015 19:38
Comparti

Na momento cu mundo den su totalidad tabata pasa den temporada di insiguridad dor di Segunda Guera
Mundial, riba e isla chikito cu nan a yama Aruba, un banco ta wordo funda. Y na 2015, e banco cu ta
carga e nomber di e isla, Aruba Bank ta celebra 90 aña di existencia.

E vision y strategia di e banco a drenta den cada hogar cu un logo cu tur hende por reconoce den
colornan latente cora, blanco y blauw. Dunando reconocimento na arkitectura y cultura, Aruba Bank a
otorga e casita di Aruba Bank na Stichting Monumentenfonds Aruba, un cas cu ta data for di 1869.
Un banco cu a crece y evoluciona segun tempo a comberti Aruba Bank den un banco innovativo.
Servicionan “online” cu ta duna e cliente oportunidad na su cuentanan bancario 24 ora tur dia den
siman. Aruba Bank ta sigui inverti den su empleadonan y asina ta comprometi di sigui brinda un bon
servicio na su clientenan.
Un organisacion responsabel cu a pone comunidad na prome luga, dor di apoya diferente
organisacionnan y proyectonan y semper a sa di comparti y duna bek na comunidad. Un proyecto unico y
cu ta un ehempel sigur ta Good4TheNeighborhood na unda ta trece e alumno cu ta e futuro di mañan
mas cerca di su scol, mas cerca di su comunidad pero primordialmente mas cerca di su mes y descubri e
arte di comparti y di contribui na nos comunidad.
Aruba Bank ta orguyoso di a converti su mes den e banco di mas grandi, dunando comprendemento na
cada persona, negoshi y organisacion. Un banco stabiel, cu forsa pa sigui dedica na servicio y na e
desaroyo di Aruba en general. Un palabra di Danki na cada un cu a sostene nos durante e 90 aña. Aruba
ta nos isla y Aruba Bank ta nos banco.

http://www.24ora.com/local-mainmenu-5/90285-aruba-bank-a-crece-hunto-cu-nos-isla-durante-90-
ana-largo