Page 57 - KPA

Loke testigo tin di declara

Art.249. E testigo ta declara di lo bisa e berdad y nada otro cu e berdad.

Art. 250.1. E hues-comisario ta huramenta e testigo, si na su opinion ta existi motibonan
funda cu e lo no presenta na Corte, of den caso cu testimonionan huramenta ta necesario

pa por logra extradicion di e sospechoso.

2. Si un testigo cu desaroyo deficiente of malesa di trastorno di su capasidad mental,
segun e opinion di hues-comisario no ta comprende suficientemente e nificasion di e

huramento, of si e testigo no a alcansa e edad completo di diescinco aña, e no ta
wordo huramenta pero adverti pa bisa e berdad completo y nada otro cu e berdad.

Derecho pa keda sin duna declaracion

Di e dunamento di testimonio of di e contestacion di cierto preguntanan, por apstene nan:

1. e famia of cuña di e sospechoso of co-sospechoso, den linea recht;
2. e famia y cuña di e sospechoso, den linea di banda, te cu di tres grado ensera;
3. e esposo(a) of ex-esposo(a) di e sospechoso of e co-sospechoso , realmente

duradero ta biba, of a yega di biba hunto cu otro. E bibamento hunto ei lo mester
wordo proba na un manera suficientemente aceptabel y nada otro cu bisa e berdad.

Obligacion pa no duna testimonio

Art. 252.1 Di e dunamento di testimonio of di e contestacion di cierto pregunta por abstene

nan tambe, esnan cu pa motibo di nan posicion, nan profecion of nan funcion publico ta
obliga pa tene secreto, pero solamente tocante e conosemento cu el a wordo confia na nan
como tal.

2. E loke ta stipula den e prome parafo ta di e mes un manera aplicabel riba huesnan,
miembronan di e ministerio publico y otro personanan, cu tin conosemento di e
identidad di e testigo cu a base di e stipulacion den articulo 261 a wordo interoga. E

competencia pa abstene su mes ta limita n’e preguntanan cu ta dirigi na discubri e
identidad di e testigo.