Page 15 - AM201214
P. 15
Dialuna, 14 December 2020 AWEMainta 15
Cura Cabai Gas Station a habri oficialmente
DOS dia despues di su soft opening y sirbiendo e
comunidad di pariba di brug, gerencia y personal
a marca e apertura oficial di Cura Cabai Gas Sta-
tion diasabra 12 di december 2020. Esaki tabata
den presencia di un grupo chikito di invitado y
cumpliendo cu tur protocol di prevencion di Co-
vid-19. Di e manera aki celebra e punto culmi-
nante di varios luna di trabou duro, cu tur e reto-
nan cu e aña aki a trece cune. Awor Cura Cabai
tin su pomp stacion bek!
Manera ta conoci, pa un tempo largo e pomp
stacion aki tabata cera, lagando un bashi atras
p’esnan cu ta transita riba e caminda aki diari-
amente. Tras habri exitosamente na Paradera,
gerencia a dicidi di deposita su confiansa den e
economia di Aruba, realisando un inversion cu-
antioso pa rehabilita e facilidad na Cura Cabai y
dun’e un bachi nobo cu un concepto moderno.
E reaccionnan cu ya ta drentando ta positivo y e
clientenan ta sumamente satisfecho cu e ambien-
te y servicio cu nan ta goza di dje na Cura Cabai
Gas Station. Esaki ta ‘next level’ caminda bo por
cumpra gasolin of diesel for di cualkier di e mash-
innan, kier men no ta un so tin pa pone diesel.
Tambe tin servicio di cumpra carchi prepaga di
gasolin cu ta hopi bon pa bo kita fo’i man un bes
pa luna, y conveniente pa compania cu flotanan
grandi di auto; pa por hiba maneho y control di
e consumo. Adicionalmente por cumpra coriente
prepaid di Elmar N.V.. of probecha pa obtene pro-
ductonan di limpieza, cuido y mantencion di auto.
Si bo ta buscando un snack, mangel, of algo friu
pa bebe; nan tin esey tambe pa bo. Pronto lo tin
benta di tankinan chikito di gas. Y pa tur esaki bo
por haci uso di bo carchi ScannyCash.
Gerencia di Cura Cabai Gas Station ta gradi-
ci CIBC Bank pa nan sosten y respaldo den e
proyecto aki, ademas di tur otro persona cu a
aporta pa el a bira realidad. E invitacion ta keda
na un y tur, specialmente n’e pueblo San Nicolas
y becindario pa pasa conoce boso gas station nobo.
Pa mas informacion riba nos servicio of e orario
di servicio, bishita y Like e pagina di Facebook:
Cura Cabai Gas Station.
