Page 8 - BALASHI MARCH 6,2015
P. 8
Hopi interes pa participa na e "Powerade 6K Run & Fun
Walk"
Thursday, 05 March 2015 21:18
Comparti
Siendo e bebida di tur deportista y den cuadro di nan compromiso pa sostene bon iniciativanan di
deporte cu ta promove mas movecion, Powerade ta forma parti di e di cuater edicion di e caminata
organisa pa recauda fondo pa e organisacion deportivo di RCA. E evento ta tuma luga diadomingo awo,
cuminsando y cabando na veld di RCA situa na Solito.
E evento ta encera un caminata saliendo for di veld di RCA, pasando rotonde di Ponton, rotonde di Tanki
Flip, rotonde di Tanki Leendert y regresa pa caba na veld di RCA atrobe. Lo tin pechi como regalo pa e
prome 500 participantenan cu inscribi, mientras cu tin varios premio atractivo pa e ganadonan.
E organisacion di RCA tin mas di 200 mucha cu ta practica futbol como miembro. E evento aki ta pa
recauda fondo pa por sigui sostene e organisacion deportivo.
Powerade ta invita henter nos comunidad pa inscribi na veld di RCA entre 4:00pm y 5:30pm pa despues
sali mesora den e caminata cu ta pasa bishita rotondenan den e area.
