Page 12 - AWEMAINTA

12 AWEMainta Dialuna, 9 October 2017

Polis a detene homber

cu a ocasiona accident

na Palm Beach

DIADOMINGO den oranan di mainta presencia di polis y ambulance a wordo
pidi na Palm Beach na altura di Citgo, pa un accident semifrontal.
Na yegada e polisnan ta bin compronde cu e chauffeur di un Jeep, tabata bayendo
direccion pabou y pa un motibo of otro ta hala na su man robes y a dal semi
frontal contra un Mazda SUV cu tabata biniendo di pariba.

E impacto tabata fuerte y tambe e chauffeur di e Mazda, kende ta un persona
di edad, tabatin dolor na su pecho. Polis n’e sitio mesora a pidi pa presencia di
ambulance cu hopi urgencia.
Despues cu personal di ambulance a trata e chauffeur di e Mazda e por a bay cas.

E chauffeur di e Jeep, kende a ocasiona e accident, a keda deteni pa core bou
influencia di alcohol y el a keda transporta cu pa warda di polis na Shaba.