Page 25 - awem

AWEMainta Diahuebs, 17 September 2015 25

Proyecto Earn Your Future:

Muchanan
contento
despues di a
siña maneha
nan zakgeld

‘DUSHI, leuk, nos ta siña cosnan nobo’ y ‘no gasta placa

pa loco, pero spaar mas’ ta algun di e comentarionan cu e
muchanan ta duna despues di a siña con pa spaar placa y
maneha un presupuesto por medio di Earn Your Future.
PwC Aruba ta sigui cu e proyecto Earn Your Future,
bishitando scolnan tur rond di Aruba.

Desde cu a start cu Earn Your Future nan a bishita Scol
Basico Washington, Cacique Macuarima School, St.
Michael School, St Fransiscus College y Colegio Frere
Bonifacius.
Apesar cu ta dos les so e muchanan ta haya, por mira e
resultado di esaki den e entusiasmo cu ta reina bou di e
hobennan di 6de klas.
E muchanan ta contento y tin hopi discusion interesante
ta tuma lugar den e klasnan unda cu e hobennan ta
intercambia di idea riba con t’e mihor forma pa nan
spaar nan placa y ki ora pa uza esaki.

E esencia di e programa Earn Your Future di PwC Aruba
ta pa siña e muchanan con pa maneha nan placa y con
pa spaar.
Den esaki e muchanan lo siña cu tin cosnan cu ta
necesario y tin cosnan cu no ta necesario y con pa pone
nan prioridadnan.
Despues cu aña pasa e proyecto Earn Your Future a ricibi
un bon acogida y tabata un exito, a tuma e dicision pa
haci esaki e aña aki atrobe.

E aña aki alrededor di 20 scol ta participando y lo tin
entre 26 pa 28 trahador di PwC Aruba riba e proyecto
aki cu lo tuma dos mainta y dos lesuur di cada scol.
PwC Aruba ta busca formanan pa sigui aporta na
comunidad y specialmente na hubentud di Aruba.