Page 7 - LOTTO_Neat

Minister Schwengle a entrega premio na e esunnan cu a sobresali durante e campeonato, cual ta
hungadonan y dirigente cu tabata un “role model” pe campeonato.

Esaki ta di dos evento cu Lotto pa Deporte hunto cu Ministerio di Deporte ta organisa. E prome
evento tabata pa SV RCA cu a titula campeon di e liga Junioren y awor a toca e campeonnan di e
seccion di Damas. E siman aki lo topa cu Deportivo Nacional, cu a resulta e campeonnan di e liga
Division di Honor di Arubaanse Voetbal Bond.

Pa Britannia Damas, e campeonato a bay hopi bon, specialmente pasobra durante henter campeonato
nan tabata invicto y te den play-off cual nan a bin perde un wega contra RCA. Britannia Damas ta
existi desde aña 2007 di cual nan a sali campeon entre 6 pa 7 aña. E aña aki nan a logra pa di tres aña
consecutivo, pero nan no ta e prome team cu a logra esaki, Tineke Jansen a expresa. Awo nan tin e
meta pa bira e team cu ta haci historia pa gana 4 campeonato consecutivo y lo bay traha duro pa logra
esaki.

Hendenan muhe cu ta desea di hunga por yega veld di Britannia riba dialuna y diaranson entre
6:30pm pa 8:00pm, unda cu coachnan lo guia nan pa mira si nan lo gusta.

Presente na e ocasion aki tabata Minister di Salud Publico y Deporte, Vice Presidente di Arubaanse
Voetbal Bond, Miembronan di Directiva di Lotto pa Deporte, Presidente di Aruba Sport Unie,
Director di Fundacion Facilidadnan di Deporte y Directiva di SV Britannia cu ta e campeonnan di e
liga femenino 2016/17. Pabien!