Page 21 - AWEMAINTA

AWEMainta Diamars, 29 Augustus 2017 21

Cla pa yuda mas hende haya trabou

Tempo Aruba a habri su di

2 localidad na San Nicolas

DIABIERNA 25 di augustus ultimo, den oranan
di atardi Tempo Aruba a habri su di dos localidad
cu ta na San Nicolas. Nan a habri e localidad aki pa
sigui yuda hendenan cu ta buscando un trabou y no
solamente na San Nicolas, pero pa tur esnan cu ta
buscando trabou parti pariba di brug.
E team di Tempo tabata entusiasma di a habri su
di dos localidad na San Nicolas, mirando cu aki tin
desaroyonan ta tumando lugar y tur esaki ta uno
positivamente.

Pa por a yega n’e di 2 localidad hopi trabou a keda
haci y esaki no por a keda logra sin e sosten di tur
hende di Tempo. Gerencia di Tempo Aruba a gradici
tur cu a yuda nan p’asina por a logra habri e di dos
localidad.
Na momento cu e oficina na San Nicolas a habri,
hopi persona a yega pa registra p’asina nan por ricibi
e ayudo necesario pa haya un trabou.
Durante e registracion tabatin empleadonan di
Tempo Aruba tabata haci esaki sea paden of pafo.

E filial habri na San Nicolas ta pa motibo cu San
Nicolas ta desaroyando y a haya e refineria. A bin ey-
nan p’asina ta mas cerca di comunidad di San Nicolas.
E vacaturanan di San Nicolas ta mas tanto tecnico y
nan tambe nan ta handle cu e vacaturanan di Citgo.
E ambiente tabata uno ameno, unda cu despues di e
registracion tur persona tabata keda eynan y comb-
ersa cu otro y pasa un rato ameno cu otro.

Otro aña Tempo Aruba lo ta cumpliendo 25 aña di
existencia y durante tur e añanan aki nan a yuda
mas di 10 mil persona haya un trabou, pa cual nan
ta orguyoso di esaki.
Tambe nan ta haci nan esfuerso pa duna apoyo y con-
seho pa tin exito den bida. Hopi di esnan cu a keda
yuda, a haya trabou permanente den companianan
grandi y chikito.

Pa mas informacion di e di 2 oficina di Tempo Aruba
por yama na 582-7121 of por manda un e-mail na
info@tempoaruba.com of por bishita e facebook page
Tempo Aruba.
Tambe por pasa na oficina di Tempo na San Nicolas
di dialuna pa diabierna entre 8:00AM te cu 5:00PM.