Page 4 - AWEMAINTA
P. 4
4 AWEMainta Diamars, 29 Augustus 2017
Aruba Certification Program ta colabora cu Cuerpo Aduana di Aruba
DIABIERNA, dia 25 di augustus, Aruba Certification Program ta-
batin e placer di por a entrega certificado di nan programa na un
grupo di Cuerpo di Aduana cu a sigi e curso di Aruba Certification
Program.
Aruba Certification Program, conhuntamente cu ATA y Aduana
a colabora p’asina e Cuerpo di Aduana, especialmente e grupo cu
a sigi e curso aki cu ta den contacto directo cu nos bishitantenan
p’asina nan por brinda informacion corecto y consistente, tanto na
nos Aeropuerto como na e diferente hafnan unda nos Cuerpo di
Aduana ta presente.
Tabata sumamente importante y valioso e diferente experiencianan
cu a wordo intercambia, entre e facilitadornan di e programa y e
grupo di Aduaneronan. Diferente informacion tocante e experiencia
cu bishitante a wordo intercambia, pero tambe puntonan di mehora-
cion a ricibi atencion debido di Aruba Certification Program como
tambe di ATA.
E sesionnan tabata hopi dinamico, interactivo y informativo na unda
e participacion di Cuerpo di Aduana tabata energetico y dedica.
Un palabra di danki na gerencia di Aduana cu a brinda Aruba Cer-
tification Program e espacio pa por a ofrece e curso. Un danki ta bai
tambe na ATA como patrocinador di e Aruba Certification Program.
Un palabra di pabien y danki ta bay specialmente tambe na cada un
di e Aduaneronan cu a participa cu tur nan entusiasmo na e curso.
Aruba Certification Program ta orguyoso di por a forma parti na e
sesionnan cu a caba di tuma lugar y tin tur confiansa cu e proximo
sesionnan cu Cuerpo di Aduana lo ta mes exitoso.
Un invitacion special ta bay na nos comunidad pa bishita e website
di Cuerpo di Aduana pa por keda informa di tur rekisito cu mester
tene na cuenta ora di biaha.
