Page 49 - DIARIO 8MAY15

DIABIERNA 8 MEI 2015 DIARIO PAGINA 49
Purba sushi na Ritz Carlton y a gana
placa pa un bon causa

O R A N J E S TA D ( A A N ) :
Diaranzon atardi prensa di
Aruba a pasa un rato ameno
den e ‘Divi Bar Lounge’ di
Ritz Carlton.
Prensa a wordo invita pa
purba e tremendo sushi cu ta
wordo ofreci eynan y goza di e
bebidanan exotico, cu ta inclui
un bebida traha di cactus.
PR. Communications Manager
di Ritz Carlton Myandra Croes
a splica cu e intencion ta pa
promove e Divi Bar Lounge,
cu a cambia.
For di comienzo e lounge
tey caba, pero recientemente
a cuminza cu un seccion
di sushi cu ta hopi gusta,
mirando tambe e experticio di
e ‘sushi-chefs’ cu ta uza hopi
creatividad trahando e sushi
cu un tremendo sabor.
E seccion di sushi ta habri di
5’or di atardi te cu 11’or di
anochi tur dia.
E variacion di sushi ta grandi
y e ambiente den e lounge ta
tremendo.
Despues di purba e tremendo
sushi, e miembronan di prensa
presente a participa na un
‘slot tournament’, unda cu e
ganadornan a gana placa cu lo
wordo entrega na instancianan
caritativo den nos comunidad.
Segun Croes, Ritz Carlton su
intencion cu esaki ta pa duna
bek na comunidad.