Page 6 - ASTEC JAN 23,2015
P. 6
Corte no ta mira urgencia den caso UPA contra ASTEC/APA
Thursday, 22 January 2015 16:04
Comparti
Diahuebs mainta Corte den Prome Instante a trata e caso sumario cu sindicato Union Portuario Aruba,
U.P.A., den representacion di e trahadonan di e compania cu ta stiwa carga riba waf, esta ASTEC, a
entama contra e compania.
Via Corte e sindicato kier obliga e compania pa mustra cifranan di e estado financiero di ASTEC y na mes
momento a pidi Hues pa stop Aruba Ports Authority N.V. di permiti ASTEC pa uza otro trahadonan
mientras cu e otronan ta den accion pafo.
Contrario na e velocidad cu ta trata casonan sumario, Hues den e caso aki no a mira un urgencia y como
tal a scucha ambos partido y a bisa na final cu e lo tuma un decision aki dos siman! Esaki sin duda ta
funesto pa e trahadonan cu tin mas di un siman caba den accion pafo y cu e riesgo di lo no cobra e dianan
cu a welga. Cu dos siman mas di espera, lo por ocasiona cu otro luna e trahadonan lo cobra mita salario
so!
Abogado mr. Maura Brown a defende ASTEC durante tratamento di e caso sumario, mientras cu e
interes di e sindicato y su miembronan tabata den man di abogado mr. Edwin Duijneveld. E ultimo aki a
bisa den Corte cu ASTEC no ta cumpliendo cu regla y cu e trahadonan cu ta trahando actualmente riba
waf no ta certifica. Di otro banda, abogado mr. Maura Brown a sigura Corte cu esey no ta e caso y riba dje
APA tabata den sala di Corte pa confirma cu trabounan ta siguiendo normal y sin ningun problema!
E caso sumario no tabatin nada di haber cu e C.A.O. mes, cu a vence dia 31 di december 2014. No a bay
riba e demanda di e trahadonan ni tampoco riba e oferta di e compania. Hecho ta cu ora a cera e
contracto colectivo di trabou tres aña pasa, a acorda cu e biaha aki, lo no por cumpli cu un aumento
mucho lucrativo debi na e proyecto di muda waf di carga for di Oranjestad pa Barcadera. Banda di esey
ASTEC a haci un estudio riba mercado cu a saca afo cu e trahadonan riba waf ta gana por lo menos 30%
mas cu otro trahadonan di e mesun nivel y den e mesun tipo di trabou. E contracto colectivo di e
trahadonan, cu ta conta cu 14 luna di salario mas un bonus na Januari y un lista di otro beneficionan
mas, ta esun mas lucrativo na Aruba, sino un di esunnan mas lucrativo den nos mercado laboral.
E caso di diahuebs tabata exclusivamente pa atende e demanda di e trahadonan pa e compania demostra
transparencia y duna e sindicato acceso na nan bukinan pa asina comproba cu berdad e compania no por
duna e aumento cu e trahadonan ta pidiendo awor. Tambe pa stroba APA di laga trahadonan temporal
sigui haci e trabounan pa garantisa operacion continuo di e barconan di carga cu ta yega nos isla a base
diario. Aki dos siman lo tuma un decision. Mientrastanto Mediador di Gobierno lo sigui explora
opcionnan pa mira con por busca un acercamento nobo entre Sindicato UPA y ASTEC.
Comentarionan (4)
Mustra/Kita comentarionan
Mario K
January 22, 2015
2 0 1 .2 2 9 .7 2 .1 7 2
Votes: +0
...
mi kiersa no tin otro compania cu ta hasi mesun trabow cu astec aki na aruba..muchanan di astec tin un bataya
Thursday, 22 January 2015 16:04
Comparti
Diahuebs mainta Corte den Prome Instante a trata e caso sumario cu sindicato Union Portuario Aruba,
U.P.A., den representacion di e trahadonan di e compania cu ta stiwa carga riba waf, esta ASTEC, a
entama contra e compania.
Via Corte e sindicato kier obliga e compania pa mustra cifranan di e estado financiero di ASTEC y na mes
momento a pidi Hues pa stop Aruba Ports Authority N.V. di permiti ASTEC pa uza otro trahadonan
mientras cu e otronan ta den accion pafo.
Contrario na e velocidad cu ta trata casonan sumario, Hues den e caso aki no a mira un urgencia y como
tal a scucha ambos partido y a bisa na final cu e lo tuma un decision aki dos siman! Esaki sin duda ta
funesto pa e trahadonan cu tin mas di un siman caba den accion pafo y cu e riesgo di lo no cobra e dianan
cu a welga. Cu dos siman mas di espera, lo por ocasiona cu otro luna e trahadonan lo cobra mita salario
so!
Abogado mr. Maura Brown a defende ASTEC durante tratamento di e caso sumario, mientras cu e
interes di e sindicato y su miembronan tabata den man di abogado mr. Edwin Duijneveld. E ultimo aki a
bisa den Corte cu ASTEC no ta cumpliendo cu regla y cu e trahadonan cu ta trahando actualmente riba
waf no ta certifica. Di otro banda, abogado mr. Maura Brown a sigura Corte cu esey no ta e caso y riba dje
APA tabata den sala di Corte pa confirma cu trabounan ta siguiendo normal y sin ningun problema!
E caso sumario no tabatin nada di haber cu e C.A.O. mes, cu a vence dia 31 di december 2014. No a bay
riba e demanda di e trahadonan ni tampoco riba e oferta di e compania. Hecho ta cu ora a cera e
contracto colectivo di trabou tres aña pasa, a acorda cu e biaha aki, lo no por cumpli cu un aumento
mucho lucrativo debi na e proyecto di muda waf di carga for di Oranjestad pa Barcadera. Banda di esey
ASTEC a haci un estudio riba mercado cu a saca afo cu e trahadonan riba waf ta gana por lo menos 30%
mas cu otro trahadonan di e mesun nivel y den e mesun tipo di trabou. E contracto colectivo di e
trahadonan, cu ta conta cu 14 luna di salario mas un bonus na Januari y un lista di otro beneficionan
mas, ta esun mas lucrativo na Aruba, sino un di esunnan mas lucrativo den nos mercado laboral.
E caso di diahuebs tabata exclusivamente pa atende e demanda di e trahadonan pa e compania demostra
transparencia y duna e sindicato acceso na nan bukinan pa asina comproba cu berdad e compania no por
duna e aumento cu e trahadonan ta pidiendo awor. Tambe pa stroba APA di laga trahadonan temporal
sigui haci e trabounan pa garantisa operacion continuo di e barconan di carga cu ta yega nos isla a base
diario. Aki dos siman lo tuma un decision. Mientrastanto Mediador di Gobierno lo sigui explora
opcionnan pa mira con por busca un acercamento nobo entre Sindicato UPA y ASTEC.
Comentarionan (4)
Mustra/Kita comentarionan
Mario K
January 22, 2015
2 0 1 .2 2 9 .7 2 .1 7 2
Votes: +0
...
mi kiersa no tin otro compania cu ta hasi mesun trabow cu astec aki na aruba..muchanan di astec tin un bataya
