Page 15 - SOLO

Diamars April 28 2015 Pagina 15

Candela feroz a kima dos tienda den Caya Betico Croes

Unda Aruba ainda tabata
prepara pa cuminsa
celebra Dia di Rey,
yamadanan a cuminsa
drenta cu den Caya Betico
Croes a waak huma ta sali
for di un di e negoshinan.
Unidad di Polis y Bombero
cu a yega na e sitio a
constata cu ta trata di e
tienda “Sagar”y “Simply
Shoes” cu ta keda pabao
di Burger King. Aunke na
promer instante no tabata
mustra di e grandi ey,
pero for di un momento
pa otro vlamnan grandi
a cuminsa sali for di e
dak y e candela a wordo
categoriza un “uitslaande
brand”. Polis a cuminsa
cera caya pa evita mirones
yega mas cerca y un total
di 3 unidad di Bombero
a yega pa combati e
candela. Finalmente e
candela a wordo domina.
Un investigacion mester
determina awor kico e
causa di e candela aki ta
y of si aki ta trata di uno
intencional.