Page 14 - MIN VOS flip

tambe e resultado di e opinion aki. Sea cu ta opera e baby of ta sigui cu tratamento
medicinal so. Den ambos caso, AZV ta garantisa cobertura di esaki tambe.

RESPONSALIDAD DI AZV

E responsabilidad di AZV den e caso aki ta total, unda cu lo cubri tur tramite di biahe for
di Aruba pa Colombia cu Air Ambulance y e regreso tambe. Ademas tur gastonan
medico cu e specialistanan na Colombia pidi y aproba. “Si e recomendacion ta pa opera
toch, AZV lo cubri esaki tambe” Tchong a sigui bisa. Esey ta inclui tambe un nazorg,
pues e cuido despues di operacion. Por ta cu e specialistanan por pidi mas test pa dicidi
despues riba esey kico tin cu haci cu e baby. Esey tambe AZV lo cubri. Mes momento,
riba pregunta di NoticiaCla.com, AZV a confirma cu e carta firma pa e mayornan,
asumiendo tur responsabilidad, ta keda vigente. Esey no ta kita afo cu AZV lo cubri tur e
gastonan. Ademas a mustra cu no ta cuestion cu a crea precedente ni presion, sino mas
bien a actua manera ta actua den tur proceso, unda cu ta sigui e procedura necesario. Den
e caso aki, segun Tchong, esey tambe a sosode.

TRAMITE DIARANSON

Manera NoticiaCla.com a raporta mas prome den dia diaranson, baby Lunah tabata
preparando pa bay den exterior pa busca ayudo medico extra pa su salud. Mientrastanto
ayera tardi AZV a informa pa medio di un comunicado confirmando e biahe di baby
Lunah. Pero hunto cu ne un splicacion bou cua condicion esaki lo sosode.

PRECUPACION PA BABY LUNAH

Segun AZV, siman pasa a tuma nota di e preocupacion cu ta reina bou di hopi ciudadano
tocante baby Lunah, kende a nace mentalmente y fisicamente handicap (y cu
complicacionnan adicional) como tambe e pregunta si e baby lo mester bay exterior pa
ricibi tratamento medico. AZV ta sigura cu e caso di e baby aki ta hayando tur atencion.
Entre tanto a ricibi e opinionnan medico di expertonan di Hulanda como tambe di
Colombia.

RIESGO PA BABY LUNAH

E pediatra nan local ta di opinion cu un operacion den caso di baby Lunah ta trece
demasiado riesgo cu ne y kier trata e baby cu remedi. Den e opinion aki, e pediatra nan di
Aruba ta wordo sosteni door di e expertonan di Hulanda. E operacion mes no ta uno
complica sin embargo den e situacion delicado cu e baby Lunah ta, e baby ta wordo
exponi na riesgonan hopi halto. E miedo di e docternan ta cu e baby lo no e operacion.

MAYORNAN TA RECHASA TRATAMENTO CU REMEDI