Page 62 - MIN TTC JULY 24

Aruba ta keda score halto den e parti di servicio, atraccion y
destinacion

Publication: Friday, 24 July 2015. Categoria: General

Parlamentario Jennifer Arends-Reyes

ORANJESTAD (AAN): Segun Parlamentario Arends-
Reyes Turismo di Aruba ta na e momentonan aki
locual a sa di contribui grandemente cu nos economia, pa ser exacto segun cifranan di Banco
Central, Turismo a contribui cu casi 3 biyon florin na nos pais aña pasa.

Teniendo esaki den consideracion y cu Turismo ta wordo exponi na factornan externo e ta keda
un compromiso y deber di cada un di nos ciudadanonan pa mantene nos isla como un di e top
destinacionnan den Caribe.

Recientemente nos a ricibi varios bulletin of statistica di con nos Turismo ta bayendo e
lunanan anterior. Naturalmente cu Turismo den Caribe ta keda uno competitivo y ta trece cune
tur su retonan. Na momento cu bo bisiña ta invertiendo den nan producto y esaki ta inclui
infrastructura pa acomoda
e pasaheronan y abo como pais ta keda sin desaroya e lo por tin un efecto desventahoso pa bo
producto cu ta bo pais.

Pesey tur e inversionnan pa Aruba por keda ‘on top of the game’ pa ofrece nos bishitantenan
un experiencia inolvidable. Si nos tuma por ehempel e trabaonan di embeyecimento y
mantenimento dor di e fondonan di TPEF (Tourist Product Enhancement Fund), renobacionnan
di hotelnan existente, ampliacion di nos puerto pa por ricibi barconan crusero mas grandi,
borchinan di indicacion, inversionnan den caya
grandi y restaurantnan cu ta habri cu concepto nobo.

Tur ta yuda pa Aruba por brinda un mihor producto. Turismo ta traha tambe cu ratings y
reviews,
cu cada biaha ta birando mas importante y por bisa cu Aruba tin un promedio den e top 3 den