Page 67 - KPA 7 OCT 2015

Dos criminal elimina na St Maarten durante intento di atraco riba truck
di placa
Tuesday, 06 October 2015 21:33

Comparti

Esaki mester ta un señal hopi cla pa criminalnan cu ta hinca den nan cabez pa bai comete atraco riba
trucknan di placa di cierto compania. Den e caso aki e empresa ruman di Domesa Aruba a hera bira
victima di atraco.

E guardianan na St Maarten mescos cu na Aruba ta wordo bon entrena pa expertonan internacional.
Aunke nunca bo ta desea pa algo sosode, tog bo mester ta cla pa un situacion di atraco ora bo ta traha pa
un compania di transporta placa of cosnan di valor. Na St Maarten den oranan di mainta un truck di e
compania Pan American a sali for di nan oficina principal carga cu cosnan di balor y placa pa asina haci e
entrega rutinario. Ora cu nan a sali subi caminda a presenta tres atracador cara tapa cu a cuminsa tira
riba e truck. Mesora esnan den e truck a coy nan radio y comunica nan coleganan den oficina. Mientras cu
e atracadornan tabata purba causa daño na esnan den e truck, e otronan den oficina a sali enfrenta e
atracadornan. E miembronan di seguridad di e companianan aki ta asina bon entrena cu nan a tira dirigi
mesora y ta likida dos di e atracadornan arma cu cara tapa. Un di nan te hasta a haya tiro den curazon. Un
di tres atracador a logra scapa. Un di e miembronan di seguridad cu tabata den e truck y cu a baha pa tira
a haya un tiro den pia. Coleganan a grita pa drumi plat y nan mes a caba di elimina e otro criminalnan. E
miembro di seguridad cu a haya tiro den pia a wordo yuda mesora y a wordo opera. E ta ok di salud. Na St
Maarten nan a considera e actuacion di e miembronan di seguridad bon entrena como un bon trabou. A
aplaudi loke a tuma lugar. Mientrastanto un di tres atracador a huy. Investigacion profundo a cuminsa na
sitio. Pa basta rato e dos atracadornan morto a keda benta riba caminda. Na Aruba recien e mesun
entrenador di exterior a elogia esnan na Aruba tambe pa e forma prepara cu nan ta. Nan a train y cada
miembro di e compania na Aruba y mescos St Maarten ta wordo considera un profesional den nan trabou.
E prueba di esaki a tuma lugar ora a elimina e dos atracadornan arma.