Page 48 - ROBERT CANDELARIA FLIP 5 AUG 2017

6 AWEMainta Diasabra, 5 Augustus 2017

Carlos Bermudez repasando proyectonan

di Gobierno cu pueblo di Noord

DIAMARS nochi durante un reunion di contacto den bario di Alto Vista,
e candidato di Noord, Carlos Bermudez, a repasa hunto cu esnan presente e
proyectonan cu a wordo ehecuta y cu ta den pleno ehecucion dor di e Gobierno
actual.
Asina a pasa un video di Watty Vos Boulevard cu ta un joya di proyecto. Watty
Vos Boulevard ta un di e proyectonan cu ta un expresion di e vision di partido
AVP na tanto e pueblo di Aruba pero tambe na paisnan den nos region.

Inversionistanan por mira cu Aruba dia pa dia ta progresando bou di guia di
Gobierno actual; un infrastructura moderno ta funciona manera un catalisador
y facilitador di iniciativanan riba tereno economico, comercial y social.
Progreso di un pais ta bay man den man cu e progreso di e pueblo y alabez ta
crea un espacio pa inversionistanan sigi inverti den nos pais.
E proyectonan aki ta haci cu inversionistanan ta keda y haña confiansa den
nos pais y su gobernacion.

Tambe a repasa e.o. scolnan cu a wordo drecha, e scol cu ta bay wordo construi
den Noord, waf cu a wordo muda, hospital nobo, Linear Park y mucho mas.
E candidato a splica kico t’e cambionan cu e kier mira den dunamento di ser-
vicio na nos pueblo usando inovacion y tecnologia, terenonan den cual e tin
amplio conocimento y experencia.
Tambe e candidato a repasa e importancia di deporte den bario di Noord y
Aruba en general. Finalmente a discuti ampliamente e tema di inovacion den
enseñansa.

Esnan presente tabata sumamente contento cu e Gobiernanan di e ultimo 8
añanan y a expresa cu nan no por warda dia 22 september 2017 yega pa nan
deposita nan confiansa un biaha mas den e partido AVP, segun Carlos Bermudez.
Team CAB kier a gradici un y tur pa nan presencia, participacion y p’e pun-
tonan (deseonan) cu a bin dilanti. Noord’e Ta; BERD’E TA; Bermudez’e Ta.