Page 15 - HOH_Neat
P. 15
Diamars, 22 September 2020 AWEMainta 13
Aruba Bank ta yuda Stichting Ambiente
Feliz pa sigui cuida habitantenan
E situacion actual di Covid-19 ta pone presion financiero
riba hopi instancia cu ta depende di donacion y of
subsidio pa por sigui duna servicio. Esaki ta conta
tambe pa Stichting Ambiente Feliz cu ta depende di
subsidio pa por opera diariamente y sirbi e binti (20)
habitantenan n’e centro di cuido.
Aruba Bank a haci un donacion n’e instituto pa
salvaguardia e necesidad basico p’e habitantenan,
entre otro comestibel y productonan di higiene y cuido
personal p’e habitantenan.
Fundacion Ambiente Feliz a wordo funda 31 aña
pasa den e aña 1986 dor di Zuster Philothé Simons.
Zuster Simons y algun otro zuster a encarga nan mes
cu persona cu limitacion mental den comunidad di
Aruba.
Debi na un necesidad grandi pa un cas di cuido,
Zuster Simons a logra na aña 1986 pa habri un cas
na Santa Cruz 75 na unda na prome instante a ofrece
12 cliente un lugar pa biba bou di e nomber “Stichting
Gezinsvervangend Tehuis”.
Desde november 1997 e nomber a cambia pa Stichting
Ambiente Feliz. Durante e añanan e cantidad di cliente
a aumenta y e cas original a wordo expandi p’asina
crea mas lugar.
Den cuadro di nos responsabilidad corporativo social,
nos ta orguyoso di por contribui na un bunita causa
manera esaki. Pa duna un man na Stichting Ambiente
Feliz pa tuma contacto cu nan na 585-8738 of por
manda un mail na: ambientefeliz@setarnet.aw.
Manera tabata di spera despues di tur fin di siman
Ayera tabatin 39 caso nobo
di Covid-19 y un morto mas
SEGUN resumen di ayera di DVG. por tuma nota cu 130
persona a recupera, tin 36 caso nobo di Covid-19 cu a wor-
do registra (20% “positive rate”) di cual tur ta residente.
Total di activonan awor ta 1194, total di testnan haci ta
331, testnan haci bou residente na laboratorio di hospital
ta 172 y total di caso di fayecimento relata na Covid-19 a
aumenta na 24, condolencia na famianan.
Hospital ta informa cu tin un total di 43 persona interna di
cual 9 ta den cuido intensivo y 34 ta isola riba piso general.
