Page 21 - VOS

24 AWEMainta Diasabra, 12 December 2015

Club
Kibrahacha
60+ a
celebra fin
di aña na
Hilton Hotel

DIA 9 DI december Club Kibrahacha a celebra un

tremendo fiesta di Pasco na Hilton Hotel. Prome cu
e portanan di e ball room por a habri, hopi hende
tabata masha bunita bisti ta warda pa drenta sala.

E fiesta a habri cu palabranan di bon bini dor di e
coordinador Diana Uchtmann, despues bou guia di
Juliana Henricus a haci un oracion pa gradici Dios
cu nos di Kibrahacha ya pa 30 aña ta celebrando e
fiesta di Pasco hunto. E boluntarionan hunto cu nos
miembronan a canta bunita cancion di Pasco. Pa
keda den e ambiente di Pasco boluntario y miembro
a haci un actuacion di e nacemento di Niño Hesus.
Kibrahacha Band a habri e pista di baile. Tur hende
a gosa bailando rib’e ritmo alegre di Pasco. Despues
a sigui toca e banda, Los Tres. Hilton Hotel a sirbi un
delicioso lunch di cual tur hende a disfruta. Banda di
Glenn a sigui deleita nos miembronan cu su musica
bailabel. A clausura cu tur banda hunto tocando
dande. Masha satisfecho un y tur a bay cas.

E siman aki Club Kibrahacha ta parti un basket di
Pasco pa tur su miembronan. Dia 18 di december nos
lo ta sera pa vakantie y lo habri bek riba 4 di januari
2016 cu dande.
Club Kibrahacha ta desea directiva, personal,
miemrbonan, boluntarionan y tur colaboradornan
un feliz Pasco y un prospero aña 2016.