Page 89 - MIN JUS 26 JUNE 2017
P. 89
hopi aña caba ta haya atencion. Tur aña Nationan Uni tin un tema riba e dia aki y e aña aki e tema no
ta uno desconoci, mirando cu ta mes un tema aki a uza den aña 2016 door di su exito.
SCUCHA PROME! SCUCHANDO NOS MUCHANAN Y HOBENNAN TA E PROME PASO PA
UN DESAROYO SANO Y SALVO.
Ta hopi importante pa tur mayor, famia, voogd y/ of educador tuma tempo y scucha nos muchanan y
hobennan. E ta un parti hopi importante den desaroyo di cada mucha y hoben. Nationan Uni ta
recomenda pa tur dia tuma un momento den e dia unda nos yiunan ta ricibi tur e atention cu nan ta
mester di dje. Mayornan/ educadornan por sinta y combersa riba topiconan cu nos y nan ta haya
importante y cu tin un influencia positivo den e desarollo di e mucha/ hoben.
Hopi estudionan cientifico ta mustra cu participación activo di nos comunidad na programanan
preventivo tin su efectonan positivo y ta yuda miles di famianan rond mundo. Un relacion sano y di
comunicación habri entre mayor/ educador y yiu ta hopi importante pa e desaroyo di nos muchanan/
hobennan den nan bida diario. Nos hobennan por adkeri diferente tools cu nan por hasi uzo di dje y
asina desaroya nan mes den un forma bon y pa sinja tuma decisionnan corecto.
E tema di droga y alcohol ta keda un tema dificil, mirando cu nos hobennan ta haya informacion tur
caminda cu no tur biaha ta esun corecto. Pesey ta hopi importante pa mayornan y/ of educadornan
crea un relacion di confianza, basa riba respet y comprencion unda e muchanan/ hobennan por haci
pregunta of papia tocante tur tema cu pa nan y e mayor/ educador ta di importancia na e momento ey.
SCUCHA PROME Y TA UN EHEMPEL PA NOS HUBENTUD.
Si tin algun persona cu ta desea di haya mas informacion por tuma contacto libremente cu F.A.D.A
na number di telefoon 583-2999.
Preveni ta miho cu lamenta.
