Page 3 - DIGICEL

Djaluna 28 Desèmber 2015 27

*****
Paña a bisa ku Roque a papia un palabra serio kuné. Den seno di Santa Maria nan
ta sigur ku Roque no ta bai niun kaminda. By the way, ayera Pitufos a será aña den
gran forma na Klup UTS na Regentesselaan. Nos ta keda te aki pa awe, te mañan ku
Poder di Dios.

Fanátikonan di Extra Slowpitch, bon dia. Nos
tei manera te kaso henter aña awe, djaluna dia 28 di
desèmber 2015. Kon a bai ku Pasku, Dos Dia di Pasku
i djadumingu liber. Awor ta siguí dianan ku hopi fiesta
pa bai topa aña 2016. Bai pokopoko, kòrda ta aña ta bai
kaba i no ta Mundu ta bai kaba.

*****
Vários ekipo di Beisbòl Veterano i Slowpitch ta sera
aña ku nan miembronan. Antes muchu mas ekipo
i organisashon deportivo tabata sera aña. Awor e
medionan finansiero a bira poko skars i e kos a bira
tambe midimentu ken por organisá un evento òf sera aña
mas nèchi òf kostoso.

*****
Mas simpel bo ta, mas mihó. Meta di e eventonan aki
ta pa bini huntu i evaluá kon a bai ku e aña koriente.
Tambe pa reflehá i trata na drecha loke a bai ménos bon
i mehorá tur kos ku a bai bon. Aña 2015 a bai mas o
ménos pa Slowpitch, pero den gran forma pa Beisbòl
Veterano atrobe.

*****
Na aña 2015 dos liga di Slowpitch a kai afó. Ta trata
aki di Liga Un i Tur i Liga Amistad. Ta trata di liganan di
hopi tempu. Liga Un i Tur i Liga Amistad kada unu tin
riba 30 aña di eksistensia.

*****
Beisbòl Veterano a drei zetá ku un final ku mas
tantu fanátiko ku nunka i un wega digno di un final ku
a terminá 3-2 pa Jandoret Raiders vs Isla Crackers. E
kampionato a start ku un Torneo Warm-up organisá pa
Isla Crackers ku tambe a bira un éksito.

*****
Aki tambe Jandoret Raiders a bira kampion den un
wega dramátiko, lagando Santa Maria Pirates den tereno.
Santa Maria Pirates tabata ganá te den último inning ku
skor amplio di 6-3. E wega a terminá 9 pa 8.

*****
Famia Joubert a organisá un enkuentro entre Wild
Cats añanan 90 i Santa Maria dékada 90, ku a resultá
un éksito rotundo ku Stadion Johnny Vrutaal yen di
fanátiko. Einan Beisbòl Veterano a kulminá su eksitoso
aña 2015.

*****
Un públiko grandi tabata tei for di tempran, pa
disfrutá di un tremendo partido. Añanan anterior
Jandoret Raiders tabata sera aña na Jandoret Ballpark,
pero esei a wanta un ratu den 2015 i por lo pronto lo no
tin sera aña ku wega di Beisbòl Veterano.

*****
Djamars siman pasá nos tabata na selebrashon di 60
aña di presidente di Beisbòl Veterano sr. Wimbert Hato.
Wimbert a baha ku penshun na SVB despues di hopi aña
den servisio na SVB i na Gobièrnu. Wimbert a traha na
otro departamentu di Gobièrnu promé ku el a bai traha
na SVB.

*****
Hopi hende di deporte mes na fiesta, entre otro
hungadó i dirigentenan di Beisbòl Veterano i Sòftbòl
Liga 50. Wimbert ta den direktiva di Sòftbòl Liga 50 i ta
manager di e ekipo kampion di Liga 50, ekipo Pitufos.

*****
Hopi komentario di moveshon i kambionan den
Beisbòl Veterano. E hungadó ketu bai den diskushon ta
e batidó Roque Zimmerman, ku a terminá ku un averahe
astronómiko di .676. Na fiesta di Wimbert nos a tende
ku Roque ta rumbo pa Yesterday i konfirmá pa su amigu
Signald ‘Paña’ Angela.