Page 13 - AWEMAINTA

AWEMainta Diamars, 7 November 2017 13

Paul van Loon

cu talento local

DEN cuadro di Festival di Buki pa Mucha, Biblioteca Nacional
Aruba ta ofrece mucha un presentacion special di escritor di buki,
Paul van Loon.
Esaki ta tuma lugar na Cas di Cultura diamars awor pa 6’or y mey.
Carchinan ta obtenibel na biblioteca na Playa y San Nicolas, y na
MFA Noord y Paradera, pa solamente 5 florin.

Musiconan local cu ta acompaña Paul van Loon t’e guitarista Jeanoir
A. Koolman.
Jeanoir tin 14 aña tocando guitara. Jeanoir tabata alumno di Der-
rick Lopez, Edwin Kock, Ivan Jansen, Martin Buitenweg y Serghio
Jansen.
Su genero preferi ta Jazz, y e tin su mesun banda cu yama ‘Live
Xpressions’ y esaki ta toca rond di Aruba na diferente hotel/res-
taurant.

Alex Koolman t’e otro musico cu ta acompaña Paul van Loon dia-
mars atardi.
Alex ta percusionista y e tambe a cuminsa practica musica di chikito.
Alex Koolman ta toca cu Robert Solo Banda show y ta yuda otro
gruponan musical.
E ta toca den diferente festival di Himno y bandera.

Biblioteca Nacional Aruba ta invita mucha y adulto pa e presenta-
cion special aki di escritor di buki, Paul van Loon.
Paul van Loon ta un escritor di buki pa mucha y su genero preferi
ta suspenso.
Den pasado Paul van Loon a participa na dos ocasion na e Festival
di Buki pa Mucha, na 1995 y 1998. Paul van Loon a skirbi masha
hopi buki mes y ta bon conoci pa su serie ‘Griezelbus’. Su bukinan
a keda traduci den varios idioma.