Page 21 - AWEMAINTA

AWEMainta Diamars, 7 November 2017 21

Zodiac a conoce ganado di 26.250 florin

JOSE L.G. a gana e tremendo suma di 26.250 florin
cu Zodiac, algo cu sigur ta sumamente bon bini. Riba
4 di november e la cumpra su numbernan di suerte
Indio Stewart Lottery Sta. Helena. Ayera mainta Jose
a pasa oficina principal di Lotto, na Paardenbaaistraat
10, y busca su check di 26.250 florin.

E numbernan cu e la gana cune ta 1244 cu All Sym-
bols. Lotto sigur ta manda palabranan di felicitacion!
Lotto, e loteria di Aruba tin diferente wega; Catochi,
Big 4, 1OFF, Zodiac, Wega di Number Korsou di
Lotto, Lotto di Dia, Lotto 5, Mini Mega cu su Mega
Plus y e diferente weganan di Raspa Y Gana.

Cumprando Lotto bo ta contribui na deporte riba
nos isla. Meta di e fundacion ta pa organisa loteria,
cambia bida di su hungadonan y na mes momento
inverti den deporte local pa medio di donacionnan
na e comision di subsidio.

Den conexion cu 30 aniversario

Oficina di Propiedad Intelectual ta

tene un ‘Open Dag’ pa publico

DIABIERNA dia 17 di novem-
ber, Oficina di Propiedad Intelec-
tual ta cumpli su ‘Aniversario di
Perla’ esta 30 aña di existencia. E
dia lo wordo celebra cu un ‘Open
Dag’pa publico.

Un invitacion caluroso ta keda
extendi na pueblo di Aruba en gen-
eral pa pasa na nos oficina,p’asina
haya informacion riba entre otro
registracion di Marca y Logo; como
tambe riba Patent y Derechonan
di Autor, pero tambe pa celebra
hunto cu OPI e gran dia aki. E
‘Open Dag’ lo ta for di 9’or di
mainta te cu 4’or di atardi na Ofi-
cina di Propiedad Intelectual cu ta
situa na Adriaan Lacle Boulevard
3 na Oranjestad.

Den conexion cu e fecha aki OPI
lo ta publicando den prensa algun
relato, p’asina informa publico pa-
kico ta consehabel pa registra un
creacion, marca of composicion.