Page 33 - AWEMAINTA

AWEMainta Diamars, 7 November 2017 33

Internacional

Pagina 33,34 y 35

Presidente Donald Trump despues di e

masacre na Texas: “Nos ta para dilanti un

problema di salud mental di nivel halto”

E Presidente mericano, Donald Trump, a referi di-
aluna n’e tiroteo na Texas, cu a laga un saldo di no
menos cu 26 morto y a bisa cu

“ta un poco liher pa bisa, pero e ta claro
cu nos ta para dilanti un problema di

salud mental di nivel halto”.

“Nos tin un gran cantidad di problema di
salud mental na nos pais, pero e no ta un

situacion cu ta imputa arma aden”,

e mandatario a sigui bisa den un conferencia di prensa
na Tokio. Trump a califica e hecho como “espantoso”
y a manda su palabranan di condolencia n’e famianan
di e victimanan. Tambe el a bisa cu e pais semper ta
mas fuerte ora e ta uni.

Inicialmente, e Presidente a pronuncia su mes pa
medio di su Twitter:

“Cu Dios sea cu e hendenan di
Sutherland Spring, Texas. FBI y polis ta n’e

lugar di e sucedido. Mi ta monitoreando e
situacion for di Hapon”.

E masacre aki a sosode cinco siman despues di esun
registra na Las Vegas, cual t’e tiroteo di mas mortal cu
a yega di pasa n’e pais, c’un saldo di 58 morto, cual
a reactiva e debate rib’e reglamentacion di armanan
di candela.
Diadomingo, rond di 11:20 ora local, un “hoben
homber blanco den su bintinan”, “bisti totalmente
na preto”, cargando un arma di asalto y uzando un
bulletproof vest, a tira rib’e Prome Iglesia Bautista
di Sutherland Springs, un localidad rural, segun
Freeman Martin, encarga cu e departamento di ordo
publico na Texas.
E victimanan ta varia den edadnan di cinco pa 72 aña.