Page 12 - HOH 27 March'15

abo no tin bon dirigentenan cosnan ta bay for di man y ta bezig ta corigiendo tur cos cu por a
bay fout.
Finalisando, e director medico a splica cu e departamento interno ta encarga cu e inspeccion y
e medidanan cu mester wordo tuma y cu na su debido tempo lo trece un agencia for di exterior
pa bin haci un inspeccion. E control interno a bira mas rigoroso y e medidanan ta mucho mas
estricto manera e seguro di hospital ta rekeri.

http://www.24ora.com/local-mainmenu-5/93439-a-yega-acuerdo-pa-cu-departamento-di-operacion-
nobo

Ezzard Cilie su contract como director medico di hospital a
wordo extendi

Thursday, 26 March 2015 19:50
Comparti

Ezzard Cilie ta keda como director medico di hospital. Esaki el a confirma den un entrevista,
unda cu el a splica cu junta di supervision di Dr. Horacio Oduber Hospitaal a haci e anuncio di
e reunion plenario e siman aki.
Cilie a wordo bisa cu un combersacion mester tuma luga tocante di e decision aki y e extension
ta pa un periodo di seis luna. “Mi interes t’ey pa keda,” Ezzard Cilie a declara den e entrevista.
El a wordo tuma den e funcion aki na prome luga pasobra cu e junta di supervision no tabata
hay’e responsabel mas pa hospital keda asina un tempo largo sin un dirigente pa e ramo di
cuido. Consecuentemente Ezzard Cilie a wordo acerca, el a wordo pidi pa tuma e tarea aki y
pues el a solicita p’e. Su tarea ta pa percura pa e parti di cuido na hospital haya su atencion,
mientras cu e discusionnan ta andando pa delinea un structura di maneho pa futuro. Cilie a
bisa cu a palabra pa papia e evalua con leu a yega y con satisfecho e junta di supervision ta cu
su trabao. El a conclui cu nan decision pa pidie keda ta indicacion cu nan ta satisfecho, pero e
ta keda pendiente di e combersacion cu mester tuma luga. Pa loke ta trata e proceso di
solicitatie andando na hospital pa yega na yena e posicion di director general, no tin espacio
mas pa solicita; e deadline tabata diadomingo, dia 22 di maart. Cilie a bisa cu e no a solicita pa
e posicion ey y segun e ta compronde di e profiel den e anuncio pa recluta un director general e
intencion ta pa yega na un directiva di tres persona pa hospital y e ta pensa cu e lo ta un di e
tres personanan aki. “Mi ta desea di asumi cu despues di seis luna cu lo mi haya extension,
pero esey mi ta bezig ta speculando caba,” el a remarca. Ezzard Cilie no tin ningun informacion
con e proceso ta andando pa yega na un director general nobo. Finalmente, pa loke ta trata e
renobacion y expansion di hospital, e director medico a remarca cu ta haciendo tur cos posibel
pa mantene e molester di construccion na un minimo y e trabaonan ta canando bon y “on
time”.