Page 55 - KPA, 24 April 2015
P. 55
Cuater persona a maltrata chofer y a lagu’e atras na sanger.
Publication: Friday, 24 April 2015. Categoria: Policial
ORANJESTAD.(AAN); – Diaranzon mainta trempan, a yega na oido di central di polis cu tin un
homber tur na sanger den un auto Nissan Sentra color di plata staciona den Belgie straat na altura
di e turbo rotonde na Wendy’s .
Polis di Oranjestad a presenta riba instruccion di central di polis y berdad a haya e Nissan
staciona.
Riba e porta dilanti y patras na banda robez tabata tin mancha di sanger.
Polis a papia cu chofer di e vehiculo cu tabata para banda di su mayor nan y e victima di inicial
C. a declara na e agente nan di a bay staciona su auto dilanti Wendy’s debi na flat tire y el a pega
soño.
Algun minuut despues el a wordo lanta pa cuater mucha homber color scur y e cuarteto a
cuminsa maltrate den auto.
Durante cu e tabata wordo maltrata un di e suhetonan a cort’e cu cuchio na su frenta.
Recherche di Oranjestad a presenta y e vehiculo a wordo confisca pa mas investigacion.
No ta exclui lo por tin camera di seguridad instala cu a capta e sucedido.
http://www.diario.aw/2015/04/cuater-persona-a-maltrata-chofer-y-a-lague-atras-na-sanger/
