Page 47 - AHATA

di e inversionnan. Como resultado di e discusionnan aki, tur stakeholder di Aeropuerto y

aerolinea envolvi a mustra nan sosten completo na e Proyecto Gateway 2030 y e costonan

envolvi cu ne.

E aerolineanan partner di Aeropuerto, den colaboracion cu nan asociacion di industria,

IATA, a bay di acuerdo cu un aumento den e costonan di pasahero relaciona cu

aeropuerto (passenger related airport charges) pa sostene e financiamento di e proyecto.

AAA lo implementa e aumento den 2 componente di e tarifanan actual di e airport

passenger related charges.

Esaki lo resulta den un aumento di e tarifanan actual pa buelonan NON US cu $13.- y

buelonan US cu $15.-. E aumentonan aki lo wordo cobra na e aerolineanan y e ta keda na

e aerolineanan si of con nan lo kier recobra e suma aki for di nan pasaheronan; cual lo

varia pa cada aerolinea. E ta importante pa menciona, cu esaki ta e prome aumento den e

cobransa di aeropuerto desde 2003. E tarifanan di cobransa pa Curacao y Bonaire no lo

cambia, pues lo keda mescos.

Adicionalmente a bay di acuerdo cu e aerolineanan den un MOU formal cu si e costonan

di e proyecto ta menos di loke a premira den e budget, AAA lo re-evalua e tarifanan di

e passenger related charges y baha nan si mester.

E tarifanan nobo a wordo compara den e region di Caribe y asina mes cu e aumento e

tarifa di AAA ta cay den e averahe pa e region y significadamente mas abou compara cu

otro aeropuertonan den region cu tambe tin e facilidadnan di US Customs pre-clearance.

http://24ora.com/aumento-di-airport-charges-pa-aerolineanan-desde-1-di-juli-2018/