Page 46 - CITGO

y for di e momento ey a tuma un decision tambe di bisa WEB, cu na fin di dia ta un

responsabilidad di WEB, ta berdad, pero no ta hedge mas sin bin cu e informacion prome

na ministerraad pa discuti esaki y sin duna un presentacion y mester tin discusion den

parlamento tambe, pasobra e interesnan ta mucho grandi. E interesnan pa pais Aruba ta

mucho grandi y e representantenan di Aruba, cu den esaki ta parlamento di Aruba mester

haya e conocemento, mester mira ta kico ta discuti di dje ora ta papia di hedge, kico su

efectonan ta ora e salibo na bon, pero kico su efectonan ta, ora e salibo na malo.

E decision ey a tuma. Ora parlamento puntra kico por haci, locual por pa suavisa e

hedging, na e momento ey por a baha e porcentahe cu a wordo contracta, di casi 100%. El

a bay te banda di 60%. E unico condicion cu por a haci’e, cu por a alarga esaki den su

termino. Por a mira e efecto di esaki, cu tabata un rebaho di casi 13% na December 2015,
den tarifa di electricidad y por a mira un otro rebaho na December 2016 di 15% riba

electricidad door di e cambionan cu a haci den e hedging.