Page 11 - min on june 29 2015
P. 11
20 AWEMainta Dialuna, 29 Juni 2015
CURT FORTIN
AUTOR DI E
REGALO
DI SIMAN DI
BUKI 2015
BIBLIOTECA Nacional Aruba ta percura pa presenta un buki di regalo tur aña den
Festival di Buki pa Mucha. E ta un publicacion special caminda ta acerca un autor y un
ilustrador pa haci esaki.
E buki aki ta un regalo cu Festival di Buki pa Mucha ta duna cu cada compra di un buki
na un di librerianan participante n’e evento aki.
Tur scol participante lo ricibi un cantidad di e buki aki como regalo.
E apertura di FBM lo tuma lugar e aña aki diabierna 30 di october dilanti di BNA. P’e aña
2015 a scoge e conocido autor Arubiano Curt Fortin, kende ta biba na Hulanda, pa skirbi
e buki cu ta carga e titulo:
“Reu....reu...Reuzeslang!”/ Un co...co....colebra grandi!
E buki aki ta wordo ilustra dor di Mariella v/d Beek y traduci na Papiamento
dor di Lilian Semeleer di Biblioteca Nacional Aruba, conhuntamente cu
Olga Orman.
Curt Fortin a nace na Aruba, 27 di september 1978. E ta actor di e
serienan Hulandes: ‘Onderweg Naar Morgen’ y ‘Bon Bini Beach’,
presentado di e programa: Top of the Pops y un programa di
tv pa mucha, HoelaHoep .
El a forma parti di un banda musical como cantante y pianista.
Famia Fortin a imigra pa Hulanda tempo cu Curt tabatin cinco
aña di edad.
Recientemente Curt Fortin a gana: Hotze de Roosprijs cu e
Buki, ‘Yakanuko’. Esey t’e premio mas importante cu ta wordo
otorga na autornan debutante di buki di mucha.
Na cuminsamento di september 2015, BNA lo tin un
conferencia di prensa caminda Curt lo wordo entrevista via
’Skype’ desde Hulanda.
E muchanan cu ta bishita BNA cu frecuencia lo haya oportunidad
di haci Curt preguntanan tocante di su buki cu ta cosechando hopi
exito na Hulanda.
Lema di Festival di Buki pa Mucha (FBM) ta: “Ra ra ra, con por ta? Lesa
pa bo sa!”. E tema ta basa riba ciencia y tecnologia.
