Page 58 - min on june 29 2015

Dos studiante motiva di Universidad di Aruba cu
oportunidad unico na Den Haag

Publication: Monday, 29 June 2015. Categoria: General
Minister Michelle Hooyboer-Winklaar:

ORANJESTAD (AAN): Un iniciativa cu ta completamente den e liña di maneho y strategia di
Universidad di Aruba y Ministerio di Enseñansa, esta pa stimula e vision
pa internacionalisa pa inclui mas posibilidad di intercambio di studiante, docente y tambe
proyectonan conhuntamente cu partnernan internacional, ta worde cristalisa na momento cu dos
studiante Jonathan Henriquez y Jaromir Petronilia a tuma e reto di participa pa prome bes den e
“The Hague Summer School 2015” di De Haagse Hogeschool na luna di juli proximo.
“Un biaha mas e balor grandi di internacionalisa y con esaki por hunga den formacion di nos
studiantenan den profesionalnan global ta ser treci dilanti. Un parti esencial di enseñansa
superior moderno y dinamico cu lo produci lidernan y profesionalnan di e siguiente generacion.
Y mi ta orguyoso di por a forma parti di esaki”, asina Minister Michelle Hooyboer-Winklaar a
enfatisa na momento di felicita e dos studiantenan prome cu nan subi e avion rumbo pa Hulanda.
Jonathan Henriquez, di e facultad FAS, di 31 aña di edad, ta impresiona di por
participa na celebracion di 100 aña di e 3rd Peace Conference den luna di Juli na Hulanda y cu ta
e tema principal di “The Hague Summer School 2015”.
Scogi for di 11 aplicante, Jonathan Henriquez a percura pa su motivacion tabata sublime. Cu e
slogan “Our Generation is here to take part, el a sa di duna e twist y formula “Our Generation is
here to take over”. Dunando asina un biaha mas e enfoke riba e hecho, cu no ta loke ta ser bisa
ta conta pero con bo formula esaki. “ E oportunidad ta unico di por participa den un cambio asina