Page 18 - ATA JAN 23,2015

Minister Otmar Oduber: Bucuti & Tara Beach Resort di
Aruba a gana posicion #1 di TripAdvisor como e mihor resort
den Caribe

Thursday, 22 January 2015 16:28
Comparti

Diahuebs Aruba a haya un otro hopi bon noticia pa loke ta trata nos industria turistico. TripAdvisor, cu ta
e travel site mas grandi di mundo a anuncia cu Bucuti & Tara beach Resort a wordo nombra como e hotel
#1 pa loke ta e categoria di e 25 mihor hotelnan den Caribe.
Minister Otmar Oduber di biaha a comenta cu esaki ta noticianan hopi bon y a felicita Ewald Biemans y
henter su team pa e gran logro aki no solamente pa e resort, pero pa Aruba en general. El a gradicinan
tambe pa pusha Aruba como destinacion na e nivel aki.
E noticia aki a bin pa cera un siman cu a habri cu resultadonan sumante positivo pa nos turismo unda cu
a presenta e cifranan pa loke ta 2014 cu a cera cu un crecemento di 9.5% den e cantidad di turistanan
stay over. Nos a conoce mas di 1 miyon bishitante pa prome biaha den historia. Rendimento di hotelnan
tabata sumamente positivo cu un aumento den RevPar di 20.6% yegando na US$ 185.46, un crecemento
di ADR di 18% te na US$ 233.85, un grado di ocupacion di 79.3% y un cremento den e tourism receipt di
4.9% den e prome mitad di 2014.
Minister Oduber a indica cu Bucuti & Tara Beach resort ta un bon ehempel cu ta demostra e calidad halto
cu Aruba tin pa ofrece na nos bishitantenan, no solamente pa loke ta infrastructura, pero tambe pa e
calidad di servicio cu ta wordo brinda na e huespednan.
E calidad di hospitalidad y servicio cu nan ta brinda, banda di e resort mes y su ubicacion a haci cu
usuarionan di TripAdvisor a vota pa Bucuti & Tara Beach Resort, dunand’e e posicion di honor y
engrandeciendo mas ainda nomber di nos isla den exterior. Pabien Ewald, pabien Bucuti & Tara y pabien
Aruba, Minister Oduber a expresa.

http://www.24ora.com/politica-mainmenu-18/90956-minister-otmar-oduber-bucuti-a-tara-beach-
resort-di-aruba-a-gana-posicion-1-di-tripadvisor-como-e-mihor-resort-den-caribe
http://noticiacla.com/news/2132
http://noticiacla.com/news/2140
http://rexaruba.com/18-news/newsrex/6908-durante-un-anochi-di-anjanan-70-y-80-aeropuerto-di-
aruba-a-gradici-su-business-partnernan-pa-un-tremendo-2014-grenspolitie-y-united-airlines-a-ricibi-
award-for-di-aaa