Page 2 - YMCA

24 AWEMainta Dialuna, 17 Augustus 2015

YMCA un biaha mas cu su exitoso programa MAS di 300 mucha y hoben por a disfruta pa 4
vacacional di Day Camp y Teen Camp
siman largo di un tremendo programa vacacional
na YMCA.
E programa a ensera diferente actividad manera
Tennis, Yoga, Golfing, Baking & Cooking, y bishita
na Parke Arawa, Butterfly farm y Phillips Animal
Zoo.
E programa di campamento p’e hobenan lo ensera
un Hike pa Natural Pool, Cinemas, Campfire,
Crossfit, Spel zonder grenzen y Landamento.

E Kids Day Camp tabata pa muchanan di edad 4
pa 12 aña y e Teens Camp tabata pa hobenan di
edad 12 aña bay ariba.
YMCA ta brinda nos mucha y hobenan actividad-
nan recreativo, deportivo y sano den temporada
di vakantie p’asina nan haci cosnan positivo den
nan tempo liber.
YMCA ta orguyoso di su Camp Leaders y boluntari-
onan cu a traha cu hopi entusiasmo pa haci e camp
uno exitoso y divertido p’e mucha y hobennan.

YMCA Aruba

YMCA su centronan ta un “cas for di cas” pa nos
mucha, hoben y hasta adultonan. YMCA ta ricibi
mas cu 200 mucha y hoben pa dia den nan dos
centronan pa medio di e programa di tra’i merdia
y diferente actividad deportivo y recreacional cu
ta ofrece.
E servicionan di YMCA ta ofrece e famia completo
diferente actividad cu ta crea un sosten p’e famia
y e hoben n’e mes momento.
Pa enfoca riba e calidad di su programanan YMCA
a percura pa trece profesionalnan hunto cu su
personal capacita pa re-enforsa programanan
existente y sigui construi riba esakinan.

YMCA tambe ta purba sondea y determina kico t’e
necesidadnan di nos comunidad pa por traha riba
diferente programa nobo.
YMCA Aruba a wordo funda 59 aña pasa pa Bob
Steele, kende a mira un necesidad pa bin cu un
lugar pa hobennan pa evita cu nan lo ta riba
caya. Cu e lema “Without a cent, but with hope
and prayer”, un grupo di persona a cuminsa cu e
organisacion y na 1958 a logra inaugura su prome
edificio na Aruba.
YMCA tin como meta pa crea personanan util y
habil den nos comunidad pa medio di brinda guia
y motivacion.
YMCA Aruba a expande su programanan pa inclui
programanan pa henter famia tambe, den añanan
70.
YMCA ta ofrece diferente actividad manera cam-
pamento pa mucha y hoben, recreacion deportivo
manera p.e. volleyball y basketball y otro deporte,
como tambe eventonan social. YMCA a cuminsa
cu e prome “tra’i’ merdia” na Aruba, yama Y’s Care
(YMCA Care) 25 aña pasa.