Page 8 - AM211213

8| DIALUNA 13 DECEMBER 2021 AWEMainta.com

Segun lider di AVP mr. Mike Eman

Presidente di Staten Edgard Vrolijk a overrule

su waarnemer Kamperveen for di Hulanda

LIDER di partido di Pueblo Arubano, AVP,
mr. Mike Eman, ta informa cu pa motibo
di un preocupacion grandi pa cu e falta di
transparencia cu Minister di Energia a demostra
den tratamento di e contract entre WEB Aruba
N.V. y Eagle LNG, fraccionnan di AVP, MAS
y ACCION21 a pidi un Openbare Vergadering
riba dia 8 di december 2021 na Presidente di
Parlamente conforme articulo 23 di Reglement
van Orde voor de Staten van Aruba. Un
Openbare Vergadering ta un reunion cu ta ancra
den nos Staatsregeling y nos Reglement van
Orde voor de Staten.

Den un Reunion Publico tin posibilidad pa
Parlamento dicidi si e ta PRO of CONTRA e
deal cu Eagle LNG. Tambe e reunion aki por
desemboca den un moción di desconfianza contra
di e Gobierno of e Minister.

Señor Mike Eman ta splica cu p’esey Staten y
en particular e partidonan di oposicion a keda
sorprendi ora cu diasabra a haya “oproeping”
pa un reunion den forma di un “Bijeenkomst”.
Den un Bijeenkomst no tin posibilidad pa Staten
dicidi si e ta PRO of CONTRA e LNG- deal.
Tampoco un Bijeenkomst por desemboca den un
mocion di desconfianza contra di e Gobiero of e
Minister. Aparentemente Gobierno y Presidente
di Parlamento, Edgard Vrolijk tin miedo cu si
yama un Reunion Publico esaki por resulta den
un mocion di desconfiansa contra e Minister
di Energia. P’esey Vrolijk a laga yama un
Bijeenkomst, mientras e ta na Hulanda.
Pero aki atrobe e ta viola nos derecho
constitucional.

Segun articulo 8 lid 2 di Reglement van Orde di
Staten t’e Waarnemend-Voorzitter ta encarga ora
Voorzitter no tey.
Esaki ta nifica cu Edgard Vrolijk no por duna
ordo pa yama un Bijeenkomst si e no tey na
Aruba. Señor Mike Eman ta splica cu e manera
di procede di Edgard Vrolijk ta hopi grave,
pasobra di e manera aki ta viola nos democracia
na unda Parlamento mester por controla un
Minister manera debe ser y hasta mand’e cas
si Parlamento ta haya esey necesario. Ademas
e proceder aki ta mina nos estado di derecho,
pasobra ta pone nos Constitucion y e Reglement
van Orde voor de Staten un banda pa yama
un reunion cu no ta ancra den ningun ley y cu
ademas no ta duna Parlamento e plataforma pa
por actua cu autoridad, segun Mike Eman.