Page 12 - MIN JUS
P. 12
Entregamento di lista pa dia 4 di
augustus ta keda un problema
August 1, 2017 Local
Share this: Facebook Twitter Google+ Pinterest Email to a Friend
Ya pa algun dia caba tin varios
polemica riba entregamento di lista politico cu mester tuma luga dia 4 di augustus proximo. Entre otro a start
un discusion riba e localidad cu Conseho Supremo Electoral (CSE) a scoge pa entrega di lista (Censo). Tambe
ta wordo hopi comenta riba e hecho cu partido AVP ta e unico partido cu no kier mantene su mes na e
programacion stipula pa CSE, na unda cu AVP lo mester entrega su lista pa 10.30am.
Orario
CSE ta e organo encarga cu supervision y maneho di henter e proceso electoral. Pa e motibo aki CSE a pone
secuencia di orario entre 9.00am te cu 4.00pm pa partidonan por haya nan amplio espacio di haci e entrega oficial di
nan lista. Den e Kiesverordening ta stipula cu riba dia di entrega di lista, partidonan tin te cu 4or di atardi pa haci
esaki, pues nan no ta mara legalmente na un schema. No obstante esaki, CSE ta pidi semper cooperacion di
partidonan pa wanta na e schema cu nan ta traha. E problemanan a cuminsa na momento cu den un comunicado,
partido AVP a duna di conoce cu nan lo a switch di orario cu partido RAIZ. Esaki despues a keda desmenti pa lider
di RAIZ, kende a bisa cu nan lo entrega nan lista na e orario cu a wordo duna na nan for di CSE. No obstante e
intento di CSE pa pidi rasonamento di partido AVP, tur indicacion ta mustra cu nan lo keda para riba nan punto di lo
entrega e lista na un orario diferente.
