Page 17 - flip min.jus

Den fin di siman mientras cu Aruba ta den gara di carnaval tabata tin tambe otro cosnan pasando riba
nos isla. Na e aeropuerto priva na e parti zuid tabata tin un movecion cu agentenan fuertemente arma.

Team di Aresto di Aruba hunto cu e departamento di droga tabata envolvi den e caso aki. Departamento
di Droga di Merca DEA a manda un avion priva cu nan tin te aki pa busca masha hopi droga cu ta wordo
investiga e momentonan aki. Esaki ta un proceso normal cu a yega di pasa mas biaha. Nan mes ta manda
e avion y hunto cu e coperacion existente e proceso di transporte cu agentenan fuertemente arma ta tuma
lugar. Aruba ta copera cu autoridad Mericano den gran forma pa asina hunto combati loke ta
narcotrafico. Un di e ultimo hayazgonan den nos awa tabata di e avioneta cu Venezuela mes a tumba y
cual avioneta yena cu droga a cay den nos awanan teritorial. Pa e investigacion y coperacion ta
importante pa DEA na Merca haya e diferente pakinan cu droga pa asina a base di e pakinan haci
investigacion. Asina ta link un caso cu otro y yega na e grandinan den narco trafico. Hopi droga ta purba
manda Merca y e avioneta cu a cay tambe tabata na caminda pa Merca. Lote grandi di droga a cay den
man di autoridad local cu hopi biaha ta kima e droganan aki na Aruba mes. A base di coperacion riba
nivel di combatimento di narcotrafico un gran parti di e droga a wordo manda cu avion priva di DEA.
Tabata tin e area bon cuida fuertemente arma cu agentenan di arestatie team y tambe DEA mes te ora e
droga a wordo baha y entrega of poni den avion.

http://www.24ora.com/policial-mainmenu-8/91587-bou-vigilancia-estricto-dea-a-bin-aruba-busca-hopi-
droga-pa-wordo-investiga