Page 26 - KPA

Terrios horta na Rooi Afo den oranan di marduga,

haya mainta den Playa

2 mins ago 0 0 Views
Paradera – Johan De Wittstraat Diaranson den oranan di madruga patruya di polis ta wordo
manda na un cas na Paradera, pa un ladronicia di auto.
Na yegada polis ta bin topa cu e doño di un Jeep Terios, blanco y e ta splica polis cu ela hinca e
auto den su cura y pa un motibo of otro no a lock e auto y a laga e yabi den e auto.
Desconocidonan a habri e cura di cas, a drenta den e cura y a horta e auto, ora nan a saca e auto
for di e cura nan a dal contra un bari di sushi y pa casualidad un bisiña cu na e momento ey
tabata lanta a mira cu nan a bay cu e auto direccion di Rooi Afo.
Den ora nan di diaranson mainta, rond di 10:30 pasa e Terrios ta wordo haya, den un caya di tera
altura di Johan De Wittstraat.

Criminalidad den oranan di marduga : Masha hopi

split unit horta haya den trailer
1 min ago 0 0 Views
Dakota: Diaranson den oranan di marduga, un security guard atento ta descubri un cantidad grandi di
airco nobo nobo den caha, hinka den un trailer. Na momento cu e ladronnan a nota cu e Security guard a
descubri nan, nan a cuminsa manda e security guard cu piedra.
E ladronnan lo a hala un trailer pegue serca di e muraya di e deposito di Unicon, pa nan por a subi riba e
cura di e deposito y asina cana riba e dak lanta e plaachi zim y asina por a drenta e deposito, nan a saca
un cantidad grandi di airco di marca Gree, nan a pone nan den e trailer cu e intencion di buscanan
despues, pero e security guard a descubrinan
Despues cu nan a manda e security cu piedra nan a cada un a bay un diferente direccion, no ta conoci si
acaso nan a logra bay cu un of mas airco caba.
Un patruya di Polis a bay na e sitio pa tuma datos y e caso aki ta den man di autoridad.